ചെന്നൈ: മഹേന്ദ്ര സിം​ഗ് ധോണി ഈ സീസൺ ഐപിഎല്ലിൽ മുഴവൻ മത്സരങ്ങളും കളിക്കില്ലെന്ന് വെസ്റ്റ് ഇൻഡീസ് മുൻ താരം ക്രിസ് ​ഗെയ്ൽ. ചെന്നൈ സൂപ്പർ കിം​ഗ്സിന്റെ നായക സ്ഥാനം കൈമാറ്റം ചെയ്തതിന് പിന്നാലെയാണ് ​ഗെയിലിന്റെ പ്രവചനം. സീസണിൽ ധോണിക്ക് ഇടവേള വേണ്ടി വരുമെന്നാണ് ​വിൻഡീസ് മുൻ താരം വ്യക്തമാക്കുന്നത്.

എം എസ് ധോണി ഈ സീസൺ വിജയകരമായി പൂർത്തിയാക്കും. സൂപ്പർ താരത്തിന്റെ കായികക്ഷമതയിൽ ആശങ്കപ്പെടേണ്ട കാര്യമില്ല. എങ്കിലും റുതുരാജിനെ നായകനാക്കിയതിന് പിന്നിൽ ധോണിക്ക് ആവശ്യമായ വിശ്രമം നൽകുകയാണ് ലക്ഷ്യമെന്നും ക്രിസ് ​ഗെയ്ൽ പ്രതികരിച്ചു.

ഈ സീസണിന് ശേഷം ധോണി ഐപിഎൽ മതിയാക്കുമെന്നാണ് റിപ്പോർട്ടുകൾ. എന്നാൽ ഇക്കാര്യത്തിൽ ചെന്നൈ സൂപ്പർ കിംഗ്സോ ധോണിയോ വ്യക്തത വരുത്തിയിട്ടില്ല. അടുത്ത സീസണിൽ ധോണി ഉണ്ടാകുമെന്ന പ്രതീക്ഷയിലാണ് ആരാധകർ.