ജയ്പൂര്‍: രാജസ്ഥാൻ റോയൽസിനെതിരെ നേടിയ ഐപിഎല്ലിലെ ഈ സീസണിലെ സെഞ്ച്വറിയുടെ ബലത്തിൽ ഐപിഎൽ റൺ വേട്ടയിൽ 7500 കടന്ന് വിരാട് കോഹ്‌ലി. ഐപിഎൽ ചരിത്രത്തിൽ ഏറ്റവും കൂടുതൽ സെഞ്ച്വറി നേടിയ റെക്കോർഡും കോഹ്‌ലിയുടെ പേരിലായി. 17 സീസണുകളിൽ നിന്നായി 8 സെഞ്ച്വറികളാണ് കോഹ്‌ലിയുടെ പേരിലുള്ളത്. 52 അർധ ശതകങ്ങളും താരത്തിന്റെ പേരിലുണ്ട്.
242 മത്സരങ്ങളിൽ നിന്നാണ് 7579 റൺസാണ് കോഹ്‌ലിയുടെ സമ്പാദ്യം. രണ്ടാം സ്ഥാനത്തുള്ള ശിഖർ ധവാനേക്കാൾ (6755 ) ആയിരത്തിനടുത്ത് റൺസിന്റെ വ്യത്യാസമുണ്ട് കോഹ്‌ലിയുടെ റൺസ് നേട്ടത്തിന്. ഡേവിഡ് വാർണർ (6545 ) , രോഹിത് ശർമ്മ (6280 ) തുടങ്ങിയവരാണ് മൂന്നും നാലും സ്ഥാനത്ത്. ഇന്ന് രാജസ്ഥാനെതിരെ നേടിയ 113 റൺസാണ് കോഹ്‌ലിയുടെ ഏറ്റവും മികച്ച വ്യക്തിഗത സ്കോർ. 672 ഫോറും 246 സിക്‌സും 242 ഐപിഎൽ മത്സരങ്ങളിൽ നിന്നായി കോഹ്‌ലി നേടിയിട്ടുണ്ട്.
