മെൽബൺ: ഓസ്ട്രേലിയൻ ഓപ്പണിൽ തകർപ്പൻ പ്രകടനത്തിന് ഇന്ത്യൻ താരം രോഹൻ ബൊപ്പണ്ണയെ തേടി ഒരു നേട്ടമെത്തി. ടെന്നിസ് ഡബിൾസ് ലോക റാങ്കിങ്ങിൽ ആദ്യമായി ബൊപ്പണ്ണ ഒന്നാം നമ്പർ താരമായി. ഈ നേട്ടത്തിലെത്തുന്ന പ്രായം കൂടിയ താരമാണ് ബൊപ്പണ്ണ. 43-ാം വയസിലാണ് താരത്തിന്റെ നേട്ടം. പിന്നാലെ ഇന്ത്യൻ ഇതിഹാസത്തെ അഭിനന്ദിക്കുകയാണ് സിംഗിൾസിലെ ഒന്നാം നമ്പർ താരം നൊവാക് ജോക്കോവിച്ച്.
ഇൻസ്റ്റാഗ്രാം സ്റ്റോറിയിലൂടെയാണ് ജോക്കോവിച്ച് തന്റെ പ്രതികരണം അറിയിച്ചത്. ബൊപ്സിന് അഭിനന്ദനങ്ങൾ. താങ്കളുടെ പരിശ്രമം മികച്ചതാണ്. ഇത്ര ചെറുപ്പത്തിൽ ഈ നേട്ടത്തിൽ എത്തുന്നത് ഏറെ ആകർഷണമാണ്. സെർബിയൻ താരം പറഞ്ഞു.
ഓസ്ട്രേലിയൻ ഓപ്പണിൽ മറ്റൊരു ചരിത്ര നേട്ടത്തിനരികിലാണ് രോഹൻ ബൊപ്പണ്ണ. ഇന്ന് നടന്ന സെമിയിൽ വിജയിച്ചതോടെ ബൊപ്പണ്ണ സഖ്യം ഓസ്ട്രേലിയൻ ഓപ്പണിന്റെ കലാശപ്പോരിന് യോഗ്യത നേടി. ഫൈനൽ വിജയിച്ചാൽ കരിയറിൽ ആദ്യമായി ഗ്രാൻഡ്സ്ലാം നേട്ടവും ബൊപ്പണ്ണയ്ക്ക് സ്വന്തമാക്കാം.
