മെൽബൺ: ഓസ്ട്രേലിയൻ ഓപ്പൺ ടെന്നിസിൽ സെർബിയൻ താരം നൊവാക് ജോക്കോവിച്ച് ക്വാർട്ടർ ഫൈനലിൽ. ഫ്രാൻസിന്റെ അഡ്രിയാൻ മന്നാരിനോയെ നേരിട്ടുള്ള സെറ്റുകൾക്ക് തോൽപ്പിച്ചാണ് ജോക്കോവിച്ച് ക്വാർട്ടറിലേക്ക് മുന്നേറിയത്. ആദ്യ രണ്ട് സെറ്റുകളിലും ജോക്കോവിച്ച് 6-0 ത്തിന് എതിരാളിയെ നിഷ്പ്രഭമാക്കി.
മൂന്നാം സെറ്റിൽ 6-3നും ജോക്കോവിച്ച് ജയിച്ചു. സ്കോർ 6-0, 6-0, 6-3. വിജയത്തോടെ 58-ാം തവണ ഗ്രാൻഡ്സ്ലാം ക്വാർട്ടറെന്ന റെക്കോർഡ് നേട്ടത്തിൽ ജോക്കോവിച്ച് എത്തി. റോജർ ഫെഡററിന് മാത്രമാണ് ഇതിന് മുമ്പ് 58 ഗ്രാൻഡ്സ്ലാം ക്വാർട്ടർ എന്ന നേട്ടമുള്ളത്.
മൂന്ന് മത്സരങ്ങൾകൂടി ജയിച്ചാൽ 25 ഗ്രാൻഡ്സ്ലാം കിരീടമെന്ന നേട്ടത്തിലേക്ക് തന്റെ റെക്കോർഡ് ഉയർത്തുവാൻ ജോക്കോവിച്ചിന് കഴിയും. ഏറ്റവും കൂടുതൽ ഗ്രാൻഡ്സ്ലാം കിരീടമെന്ന ഓസ്ട്രേലിയൻ താരം മാർഗരറ്റ് കോർട്ടിന്റെ റെക്കോർഡിനൊപ്പമാണ് ഇപ്പോൾ ജോക്കോവിച്ച്.
