ഹാങ്ചൗ: ഏഷ്യൻ ഗെയിംസ് വനിതാ ഹോക്കിയിൽ ഇന്ത്യൻ വനിതകൾക്ക് വെങ്കലം. കഴിഞ്ഞ തവണത്തെ ജേതാക്കളായിരുന്ന ജപ്പാനെ ഒന്നിനെതിരെ രണ്ട് ഗോളുകൾക്ക് പരാജയപ്പെടുത്തിയാണ് ഇന്ത്യൻ വനിതകളുടെ നേട്ടം. അഞ്ചാം മിനിറ്റിൽ ദീപികയും 50-ാം മിനിറ്റിൽ സുശീല ചാനുവും ഇന്ത്യയ്ക്കുവേണ്ടി ഗോളുകൾ നേടി.
30-ാം മിനിറ്റിൽ നാഗൈ യൂറിയാണ് ജപ്പാന്റെ ഏക ഗോൾ നേടിയത്. ഏഷ്യൻ ഗെയിംസിൽ ഇന്ത്യയുടെ മെഡൽ നേട്ടം 105ലേക്ക് എത്തി. 28 സ്വർണവും 36 വെള്ളിയും 41 വെങ്കലവും ഇന്ത്യൻ താരങ്ങൾ ഇതിനോടകം നേടി. ചരിത്രത്തിൽ ആദ്യമായാണ് ഇന്ത്യ 100ലധികം മെഡലുകൾ നേടുന്നത്.
