തമിഴ് സിനിമയിലെ പ്രശസ്ത സംവിധായകരിൽ ഒരാളാണ് എആർ മുരുഗദോസ്. തമിഴിന് പുറമെ ഹിന്ദിയിലും ഇദ്ദേഹം സിനിമകൾ ചെയ്തിട്ടുണ്ട്. എട്ട് വർഷത്തെ ഇടവേളയ്ക്ക് ശേഷം വീണ്ടും ഹിന്ദിയിലേക്ക് തിരിച്ചു വരവ് നടത്താൻ ഒരുങ്ങുകയാണ് സംവിധായകൻ.
എ ആർ മുരുഗദോസ് സംവിധാനം ചെയ്യുന്ന ചിത്രത്തിൽ സൽമാൻ ഖാൻ ആണ് പ്രധാന കഥാപാത്രത്തെ അവതരിപ്പിക്കുന്നത്. എ ആർ മുരുഗദോസ് തന്നെയാണ് ഇക്കാര്യം സമൂഹ മാധ്യമങ്ങളിലൂടെ അറിയിച്ചത്. അടുത്ത വർഷം ഈദ് റിലീസായിട്ടായിരിക്കും സിനിമ എത്തുക എന്നും അദ്ദേഹം അറിയിച്ചു. 400 കോടി രൂപ ബജറ്റിലാണ് ചിത്രം ഒരുങ്ങുന്നത് എന്നാണ് റിപ്പോർട്ട്.
നിലവിൽ ശിവകാർത്തികേയനെ നായകനാക്കി ഒരുക്കുന്ന ' എസ്‌കെ 23 ' എന്ന സിനിമയുടെ പണിപ്പുരയിലാണ് അദ്ദേഹം. മൃണാൽ താക്കൂർ ആദ്യമായി തമിഴിൽ അരങ്ങേറ്റം കുറിക്കാൻ പോകുന്നു എന്ന സവിശേഷതയും ചിത്രത്തിനുണ്ട്. ഈ ചിത്രത്തിന് ശേഷമായിരിക്കും സൽമാൻ ചിത്രം ആരംഭിക്കുക.
