കൊച്ചി: ബിജു മേനോന്‍ കേന്ദ്രകഥാപാത്രമായി എത്തുന്ന തുണ്ട് എന്ന സിനിമയുടെ ട്രെയിലര്‍ ഇറങ്ങി. ആഷിക് ഉസ്മാന്‍ പ്രൊഡക്ഷസിന്റെ ബാനറില്‍ ആഷിഖ് ഉസ്മാന്‍, ജിംഷി ഖാലിദ് എന്നിവര്‍ ചേര്‍ന്ന് നിര്‍മ്മിക്കുന്ന ചിത്രത്തിന്റെ കഥയും സംവിധാനവും നിര്‍വഹിക്കുന്നത് നവാഗതനായ റിയാസ് ഷെരീഫ് ആണ്. ഫെബ്രുവരി 16-നാണ് ചിത്രം തീയറ്ററുകളില്‍ റിലീസ് ചെയ്യുന്നത്.
തല്ലുമാല, അയല്‍വാശി എന്നീ ചിത്രങ്ങള്‍ക്ക് ശേഷം ആഷിക് ഉസ്മാന്‍ ഒരുക്കുന്ന ചിത്രമാണ് തുണ്ട്. നിര്‍മ്മാതാവ് ജിംഷി ഖാലിദ് തന്നെയാണ് ചിത്രത്തിന്റെ ക്യാമറ കൈകാര്യം ചെയ്തിരിക്കുന്നത്. തിരക്കഥയും സംഭാഷണവും ഒരുക്കുന്നത് സംവിധായകന്‍ റിയാസ് ഷെരീഫ്, കണ്ണപ്പ എന്നിവര്‍ ചേര്‍ന്നാണ്. മ്യൂസിക് 247 ആണ് ചിത്രത്തിന്റെ ട്രെയിലര്‍ പുറത്ത് വിട്ടിരിക്കുന്നത്.
