ന്യൂഡല്‍ഹി: ലോക്‌സഭ തിരഞ്ഞെടുപ്പില്‍ ബിഹാറില്‍ എന്‍ഡിഎ കൂടുതല്‍ സീറ്റുകള്‍ നേടുമെന്ന് ഇന്ത്യാ ടുഡേ 'മൂഡ് ഓഫ് ദ നേഷന്‍' അഭിപ്രായ സര്‍വേ. ആകെയുള്ള 40ല്‍ 32 സീറ്റ് എന്‍ഡിഎ നേടും. ബാക്കിയുള്ള എട്ട് സീറ്റുകളാണ് ഇന്‍ഡ്യ മുന്നണി നേടുക.
കഴിഞ്ഞ തവണ എന്‍ഡിഎ മുന്നണി 39 സീറ്റുകളാണ് നേടിയത്. എന്നാല്‍ ഇക്കുറി അത് 32ലേക്ക് ചുരുങ്ങും. ഇന്‍ഡ്യ മുന്നണി നില മെച്ചപ്പെടുത്തും. കഴിഞ്ഞ തവണ 53% വോട്ട് നേടിയ എന്‍ഡിഎയുടെ വോട്ട് ഇത്തവണ 52% ആയി കുറയും. 31% വോട്ടില്‍ നിന്ന് ഇക്കുറി 38% വോട്ടിലേക്ക് ഇന്‍ഡ്യ മുന്നണി മുന്നേറും. കഴിഞ്ഞ തവണ 16% ശതമാനം നേടിയ മറ്റുള്ളവരുടെ വോട്ട് ശതമാനം ഇക്കുറി 10% ആയി മാറും.
ഡിസംബര്‍ 15 മുതല്‍ ജനുവരി 28വരെയാണ് സര്‍വേ നടത്തിയത്. എല്ലാ ലോക്‌സഭ സീറ്റുകളില്‍ നിന്നുമായി 35,801 പേരില്‍ നിന്നാണ് അഭിപ്രായം തേടിയത്.
