പാലക്കാട്: പത്തനംതിട്ട ലോക്സഭ മണ്ഡലത്തിലെ എന്‍ഡിഎ സ്ഥാനാര്‍ത്ഥി അനില്‍ ആന്റണിക്കെതിരെ ടി ജി നന്ദകുമാര്‍ ഉന്നയിച്ചത് വളരെ ഗൗരവകരമായ കാര്യമാണെന്ന് സിപിഐഎം നേതാവ് എ കെ ബാലന്‍. ഉത്തരവാദിത്തപ്പെട്ട ഏജന്‍സികള്‍ അന്വേഷിക്കണം. കോണ്‍ഗ്രസും ബിജെപിയും മറുപടി പറയണമെന്നും അദ്ദേഹം പറഞ്ഞു.
പിഡിപിയുമായുള്ള സിപിഐഎം ബന്ധം ഇന്നോ ഇന്നലെയോ തുടങ്ങിയതല്ല. വിമര്‍ശിക്കുന്നവരുടെ ഉദ്ദേശം എസ്ഡിപിഐയും കോണ്‍ഗ്രസും തമ്മില്‍ സഖ്യത്തില്‍ ഏര്‍പ്പെടണം എന്നുള്ളതാണെന്നും എ കെ ബാലന്‍ പറഞ്ഞു.
ലോക്സഭ തിരഞ്ഞെടുപ്പില്‍ പിഡിപി പിന്തുണ ഇടതുമുന്നണിക്ക് പ്രഖ്യാപിച്ചിരുന്നു. പാര്‍ട്ടി നേതൃയോഗത്തിലെടുത്ത തീരുമാനത്തിന് ചെയര്‍മാന്‍ അബ്ദുന്നാസിര്‍ മഅദ്നി അംഗീകാരം നല്‍കി. തിരഞ്ഞെടുപ്പില്‍ ഇടതുമുന്നണിയുടെ വിജയത്തിന് വേണ്ടി പ്രവര്‍ത്തിക്കുമെന്ന് പിഡിപി അറിയിച്ചു.
