തൃശ്ശൂര്‍: തൃശ്ശൂരിലെ എല്‍ഡിഎഫ് സ്ഥാനാര്‍ത്ഥി വി എസ് സുനില്‍കുമാറിനെതിരെ ജില്ലാ കലക്ടര്‍ക്ക് പരാതി നല്‍കി എന്‍ഡിഎ. തിരഞ്ഞെടുപ്പ് കമ്മീഷന്‍ ബ്രാന്‍ഡ് അംബാസിഡറായ ടൊവിനോയുടെ ചിത്രം ദുരുപയോഗം ചെയ്തുവെന്നാരോപിച്ചാണ് പരാതി. എന്‍ഡിഎ ജില്ലാ കോഡിനേറ്റര്‍ അഡ്വ. രവികുമാര്‍ ഉപ്പത്താണ് പരാതിക്കാരന്‍
തിരഞ്ഞെടുപ്പ് കമ്മിഷന്‍ ബ്രാന്റ് അംബാസിഡറായ ടൊവിനോയുടെ ചിത്രം ദുരുപയോഗം ചെയ്തു. ഇത് തിരഞ്ഞെടുപ്പ് ചട്ട ലംഘനമാണ്. ചട്ടലംഘനം നടത്തിയ സുനില്‍കുമാറിനെതിരെ സ്ഥാനാര്‍ഥിയാക്കുന്നത് തടയണമെന്നാണ് പരാതിയില്‍ പറയുന്നു.
സുനില്‍കുമാര്‍ ടൊവിനോയോടൊപ്പമുള്ള ചിത്രം സോഷ്യല്‍ മീഡിയയില്‍ പങ്കുവെച്ചിരുന്നു. ഇതിന് പിന്നാലെ ടൊവിനോ താന്‍ തിരഞ്ഞെടുപ്പ് കമ്മീഷന്റെ ബ്രാന്‍ഡ് അംബാസിഡറായതിനാല്‍ തന്റെ ചിത്രം ഉപയോഗിക്കരുതെന്ന് ഫേസ്ബുക്കില്‍ പോസ്റ്റ് പങ്കുവെച്ചിരുന്നു. ഇതിന് പിന്നാലെ സുനില്‍കുമാര്‍ ചിത്രങ്ങള്‍ പിന്‍വലിച്ചിരുന്നു.
