വേനൽ കാലമാണ്, ജ്യൂസ് കുടിക്കാന് കടകളെ ആശ്രയിക്കുന്നവരാണ് നമ്മളില് കൂടുതല് പേരും. ജ്യൂസ് വിൽപ്പനയും വർദ്ധിക്കുന്ന കാലമാണ്. എന്നാൽ ജ്യൂസിൽ ഉപയോഗിക്കുന്ന ഐസിനെ കൂറിച്ച് മുന്നറിയിപ്പുമായി രംഗത്തെത്തിയിരിക്കുകയാണ് സംസ്ഥാന ഭക്ഷ്യ സുരക്ഷാ വകുപ്പ്. ശുദ്ധജലം ഉപയോഗിച്ച് മാത്രമേ ഐസ് ഉണ്ടാക്കാൻ പാടുള്ളുവെന്ന് കടകള്ക്ക് നിർദേശം നൽകിയിട്ടുണ്ട്. ജ്യൂസ് കടകളും കുപ്പിവെള്ളം വിൽക്കുന്ന കടകളും കേന്ദ്രീകരിച്ച് പരിശോധന ആരംഭിച്ചതായും മന്ത്രി വീണ ജോർജ് അറിയിച്ചു. അംഗീകൃതമല്ലാത്തതും വ്യാജവുമായ കുപ്പിവെള്ളം വിറ്റാൽ കർശനനടപടി സ്വീകരിക്കുമെന്നും മന്ത്രി പറഞ്ഞു.
കുപ്പിവെള്ളം ഉപയോഗിക്കുന്നവർ എന്തെല്ലാം ശ്രദ്ധിക്കണം?
1 കുപ്പിവെള്ളത്തിൽ ഐഎസ്ഐ മുദ്രയുണ്ടോ എന്ന് ഉറപ്പുവരുത്തണം
2 സീൽ പൊട്ടിച്ചിട്ടില്ല എന്നത് ഉറപ്പുവരുത്തണം
3 വലിയ കാനുകളിൽ വരുന്ന കുപ്പിവെള്ളമാണെങ്കിലും സീൽ ഉണ്ടോയെന്ന് ഉറപ്പ് വരുത്തണം
4 വേയിലേൽക്കുന്ന രീതിയിൽ ശീതളപാനീയങ്ങളോ കുപ്പിവെള്ളമോ സുക്ഷിക്കാനോ കൊണ്ടുപോകാനോ പാടില്ല. അവ വാങ്ങി ഉപയോഗിക്കാതിരിക്കാനും ശ്രദ്ധിക്കണം
5 പ്ലാസ്റ്റിക് ബോട്ടിലിന്റെ സീല് പൊട്ടിച്ചിട്ടില്ല എന്ന് ഉറപ്പു വരുത്തുക