ബെംഗളൂരു: ഇന്ത്യൻ സൂപ്പർ ലീഗിൽ കേരളാ ബ്ലാസ്റ്റേഴ്സും ബെംഗളൂരു എഫ് സിയും തമ്മിലുള്ള മത്സരം പുരോഗമിക്കുകയാണ്. ബെംഗളൂരുവിന്റെ മൈതാനത്താണ് മത്സരം നടക്കുന്നത്. എന്നാൽ കളിക്കളം നിറഞ്ഞിരിക്കുന്നത് ബ്ലാസ്റ്റേഴ്സിന്റെ ആരാധകരാണ്. സ്റ്റേഡിയത്തിന്റെ പാതിയോളം നിറഞ്ഞു കവിയുന്ന മഞ്ഞപ്പടയുടെ ആരാധകരെയാണ് ബെംഗളൂരുവിൽ കാണാൻ സാധിക്കുന്നത്.
മറുവശത്ത് ബെംഗളൂരു ആരാധകരും കയ്യടക്കിയിട്ടുണ്ട്. അനൗദ്യോഗിക കണക്കുകൾ പ്രകാരം മത്സരം കാണാൻ 20,000ത്തിലധികം പേർ എത്തിയിട്ടുണ്ടെന്നാണ് സൂചന. എന്തായാലും ആരാധകരുടെ ആവേശത്തിനൊപ്പം മികച്ച പ്രകടനം നടത്തുകയാണ് ഇരുടീമിന്റെയും താരങ്ങൾ.
മത്സരം ആദ്യ പകുതി പിന്നിട്ടപ്പോൾ ഇരുടീമുകൾക്കും ഗോൾ നേടാൻ സാധിച്ചില്ല. എങ്കിലും ആക്രമണ ഫുട്ബോളുമായി ഇരുടീമുകളും കളം നിറഞ്ഞ് കളിച്ചിട്ടുണ്ട്.
