ലണ്ടൻ: ഇംഗ്ലീഷ് പ്രീമിയർ ലീഗിൽ വമ്പൻമാർക്ക് ജയം. എവർട്ടനെ മാഞ്ചസ്റ്റർ സിറ്റിയും ക്രിസ്റ്റൽ പാലസിനെ ചെൽസിയും തോൽപ്പിച്ചു. മറ്റൊരു മത്സരത്തിൽ ബ്രെന്റ്ഫോർഡിനെ വോൾവ്സ് തകർത്തെറിഞ്ഞു. ഒന്നിനെതിരെ നാല് ഗോളുകൾക്കാണ് വോൾവ്സിന്റെ ജയം. ഒന്നിനെതിരെ മൂന്ന് ഗോളുകൾക്കാണ് മാഞ്ചസ്റ്റർ സിറ്റിയുടെ വിജയം.
ആദ്യ പകുതിയിൽ ഒരു ഗോളിന് പിന്നിൽ നിന്ന ശേഷമാണ് മാഞ്ചസ്റ്റർ സിറ്റിയുടെ തകർപ്പൻ തിരിച്ചുവരവ്. ഫിൽ ഫോഡനും ജൂലിയൻ അൽവാരസും ബെർണാഡോ സിൽവയും സിറ്റിക്കായി സ്കോർ ചെയ്തു. ക്രിസ്റ്റൽ പാലസിനെ ഒന്നിനെതിരെ രണ്ട് ഗോളുകൾക്കാണ് ചെൽസി തോൽപ്പിച്ചത്.
പ്രീമിയർ ലീഗ് ടേബളിൽ ലിവർപൂൾ ഒന്നാമത് തുടരുന്നു. ആഴ്സണൽ രണ്ടാമതും ആസ്റ്റൺ വില്ല മൂന്നാമതുമാണ്. എവർട്ടനെ പരാജയപ്പെടുത്തിയതോടെ മാഞ്ചസ്റ്റർ സിറ്റി നാലാം സ്ഥാനത്തേയ്ക്ക് ഉയർന്നു.
