സിഡ്നി: ട്വന്റി 20 ലോകകപ്പിനുള്ള ഓസ്ട്രേലിയൻ ടീമിനെ പ്രഖ്യാപിച്ചു. ഓൾ റൗണ്ടർ മിച്ചൽ മാർഷാണ് ഓസ്ട്രേലിയൻ ടീമിനെ നയിക്കുന്നത്. പാറ്റ് കമ്മിൻസ്, ടിം ഡേവിഡ്, ഡേവിഡ് വാർണർ, ഗ്ലെൻ മാക്‌സ്‌വെല്‍ തുടങ്ങിയ പ്രമുഖ താരങ്ങൾ ടീമിൽ ഇടം പിടിച്ചിട്ടുണ്ട്. എന്നാൽ സ്റ്റീവ് സ്മിത്തിന് സ്ഥാനം നഷ്ടമായി.
ജൂൺ ആറിന് ഒമാനെതിരെയാണ് ഓസ്ട്രേലിയൻ സംഘത്തിന്റെ ആദ്യ മത്സരം. ഗ്രൂപ്പ് ബിയിൽ ഇംഗ്ലണ്ട്, നമീബിയ, സ്കോട്ലാൻഡ് ടീമുകൾക്കെതിരെയും ഓസ്ട്രേലിയ മത്സരിക്കും. നിലവിലെ ഏകദിന ലോകകപ്പിനൊപ്പം ട്വന്റി 20 ലോകകപ്പും സ്വന്തമാക്കുകയാണ് മിച്ചൽ മാർഷിന്റെയും സംഘത്തിന്റെയും ലക്ഷ്യം.
ഓസ്ട്രേലിയൻ ടീം: മിച്ചൽ മാർഷ് (ക്യാപ്റ്റൻ), ആഷ്ടൺ അഗർ, പാറ്റ് കമ്മിൻസ്, ടിം ഡേവിഡ്, നഥാൻ എല്ലീസ്, കാമറൂൺ ഗ്രീൻ, ജോഷ് ഹേസൽവുഡ്, ട്രാവിസ് ഹെഡ്, ജോഷ് ഇംഗ്ലീസ്, ഗ്ലെൻ മാക്‌സ്‌വെല്‍, മിച്ചൽ സ്റ്റാർക്, മാർക്കസ് സ്റ്റോയിൻസ്, മാത്യൂ വേഡ്, ആദം സാബെ, ഡേവിഡ് വാർണർ.
