ഡൽഹി: ഇന്ത്യൻ പ്രീമിയർ ലീഗിൽ വലിയ സ്കോറുകൾ നേടുകയാണ് സൺറൈസേഴ്സ് ഹൈദരാബാദിന്റെ ദൗത്യം. വലിയ സ്കോറുകൾ ബൗളർമാരുടെ സമ്മർദ്ദം കുറയ്ക്കും. എങ്കിലും സൺറൈസേഴ്സ് താരങ്ങൾ റൺസ് വിട്ടുകൊടുക്കുന്നതിനും മടി കാണിക്കാറില്ല. എങ്കിലും ബാറ്റർമാരുടെ കഴിവുകൊണ്ട് മാത്രമല്ല ടീമിന്റെ വിജയങ്ങൾ ഉണ്ടാകുന്നതെന്ന് വ്യക്തമാക്കുകയാണ് സൺറൈസേഴ്സ് താരം ഭുവനേശ്വര്‍ കുമാർ.
വലിയ റൺസ് പ്രതിരോധിക്കാൻ ലഭിക്കുന്നത് ബാറ്റർമാരുടെ കഴിവെന്ന് സമ്മതിക്കാം. എങ്കിലും മത്സരം വിജയിക്കണമെങ്കിൽ ബൗളർമാരുടെ പദ്ധതികൾ ഉപയോഗപ്പെടുത്തണം. കുറച്ച് വർഷങ്ങൾ‌ക്ക് ശേഷമാണ് ഇത്ര മികച്ച രീതിയിൽ സൺറൈസേഴ്സ് ബാറ്റ് ചെയ്യുന്നത്. അതിൽ ബൗളിംഗ് യൂണിറ്റ് സന്തോഷിക്കുന്നു. എങ്കിലും ബാറ്റർമാർക്ക് അനുകൂലമായ പിച്ചിൽ നന്നായി പന്തെറിയാൻ ബൗളർമാർക്ക് കഴിയണമെന്നും ഭുവനേശ്വര്‍ കുമാർ പറഞ്ഞു.
നടരാജനെ നോക്കൂ, യോർക്കറുകൾ കൊണ്ട് വിസ്മയം തീർക്കാൻ അയാൾക്ക് സാധിക്കും. നിശബ്ദനായി കഠിനാദ്ധ്വാനം ചെയ്യുന്ന താരമാണ് നടരാജൻ. ട്രാവിസ് ഹെഡ്, അഭിഷേക് ശർമ്മ പോലുള്ള താരങ്ങൾക്കെതിരെയാണ് ഞങ്ങൾ പരിശീലനം നടത്തുന്നത്. ബൗളർമാർക്ക് പല മത്സരങ്ങളും വിജയിക്കാൻ കഴിയും. സൺറൈസേഴ്സ് ബാറ്റിംഗ് നിരയിൽ ഒരാൾ തന്നോട് പറഞ്ഞു. ബാറ്റിംഗ് യൂണിറ്റിന് സ്പോൺസർഷിപ്പുകൾ വിജയിക്കാൻ സാധിക്കുന്നു. എന്നാൽ ബൗളർമാർക്ക് ചാമ്പ്യൻഷിപ്പുകളും വിജയിക്കാൻ കഴിയുമെന്നും ഭുവനേശ്വര്‍ കുമാർ വ്യക്തമാക്കി.
