മുംബൈ: കളിക്കളത്തിൽ ഒരൽപ്പം കൂടുതൽ ആവേശഭരിതനാണ് വിരാട് കോഹ്ലി. പലപ്പോഴും എതിർ ടീമിലെ താരങ്ങൾക്ക് കോഹ്ലിയുമായി വാക്ക് തകർത്തതിൽ ഏർപ്പെടേണ്ടതായി വന്നിട്ടുണ്ട്. എന്നാൽ പിന്നീട് ഇതേതാരങ്ങൾ കളിക്കളത്തിൽ വെച്ചുതന്നെ എല്ലാം മറക്കും. ഐപിഎൽ 17-ാം പതിപ്പിലും ഇത്തരം സംഭവങ്ങൾ ഉണ്ടായി.
ഗൗതം ഗംഭീറും വിരാട് കോഹ്ലിയും തമ്മിൽ ഒരുപതിറ്റാണ്ടോളം നീണ്ട പ്രശ്നങ്ങൾക്കാണ് അവസാനമായത്. എന്നാൽ കോഹ്ലിയുടെ ചില ആരാധകർക്ക് ഇത് ഇഷ്ടമായിട്ടില്ല. പ്രത്യേകിച്ചും സമൂഹമാധ്യമങ്ങൾ കേന്ദ്രീകരിച്ചാണ് ഇവരുടെ നിരാശപ്രകടനം. എന്നാൽ ഇത്തരക്കാരോട് മറുപടിയുമായി വിരാട് കോഹ്ലി രംഗത്തെത്തിയിരിക്കുയാണ്.
തന്റെ സ്വഭാവത്തിൽ ആളുകൾ നിരാശരാണ്. ഒരു ദിവസം താൻ നവീൻ ഉൾ ഹഖുമായി സൗഹൃദം പങ്കിട്ടു. തൊട്ടടുത്ത ദിവസം ഗൗതം ഭായിയുമായും സൗഹൃദം പങ്കുവെച്ചു. സമൂഹമാധ്യമങ്ങളിൽ കുപ്രചാരണത്തിന് സാധിക്കുന്ന ഒന്നും ഇതിൽ ഇല്ല. അതുകൊണ്ട് തന്റെ പ്രവർത്തിയെ വിമർശിക്കുന്നു. ഞങ്ങളാരും കുട്ടികളല്ലെന്നും വിരാട് കോഹ്ലി വ്യക്തമാക്കി.