ചെന്നൈ: ഐപിഎൽ സീസണിൽ ചെന്നൈ കളിച്ച രണ്ട് മത്സരങ്ങളും വിജയിച്ചു. എങ്കിലും സൂപ്പർ താരം മഹേന്ദ്ര സിംഗ് ധോണിക്ക് ഇതുവരെ ബാറ്റിംഗിന് ഇറങ്ങാൻ കഴിഞ്ഞില്ല. ഗുജറാത്ത് ടൈറ്റൻസിനെതിരെ അതിന് അവസരമുണ്ടായിരുന്നെങ്കിലും ധോണി ബാറ്റിംഗ് ഓഡറിൽ എട്ടാം സ്ഥാനത്തായിരുന്നു. സൂപ്പർ ഫിനിഷറെ എട്ടാമനാക്കിയതിൽ കാരണം വ്യക്തമാക്കുകയാണ് ചെന്നൈ സൂപ്പർ കിംഗ്സ് ബാറ്റിംഗ് കോച്ച് മൈക്ക് ഹസ്സി.
ധോണിയെ എട്ടാമനായി ഇറക്കാൻ തീരുമാനിച്ചത് സ്റ്റീഫൻ ഫ്ലെമിങ്ങ് ആണ്. ഇംപാക്ട് പ്ലെയർ നിയമം വന്നതിനാൽ ഒരു അധിക ബാറ്ററെയും ബൗളറെയും ടീമിന് ലഭിക്കും. അത് ടീം ലൈനപ്പ് ഉയർത്തുന്നു. സ്വാഭാവികമായും ധോണി എട്ടാം നമ്പറിലെത്തി. അതിവേഗം മത്സരം മുന്നോട്ടുകൊണ്ടുപോകാനാണ് ഫ്ലെമിങ്ങ് ഇഷ്ടപ്പെടുന്നതെന്നും ഹസ്സി വ്യക്തമാക്കി.
ചെന്നൈ സൂപ്പർ കിംഗ്സിന്റെ അടുത്ത മത്സരം മാർച്ച് 31ന് ഡൽഹി ക്യാപിറ്റൽസിനെതിരെയാണ്. നിലവിലത്തെ ചാമ്പ്യന്മാരായ ചെന്നൈ കിരീടം നിലനിർത്താനുള്ള ഒരുക്കത്തിലാണ്.
