ഇസ്ലാമബാദ്: പാകിസ്താൻ ക്രിക്കറ്റ് താരങ്ങളെ സൈന്യത്തിനൊപ്പം പരിശീലനത്തിന് അയക്കാൻ പി സി ബി. താരങ്ങളുടെ കായികക്ഷമത ഉയർത്തുകയെന്നതാണ് ലക്ഷ്യം. പാകിസ്താൻ സൂപ്പർ ലീഗിന് ശേഷം മാർച്ച് 25 മുതൽ ഏപ്രീൽ എട്ട് വരെയാണ് താരങ്ങൾക്ക് ക്യാമ്പ് നിശ്ചയിച്ചിരിക്കുന്നത്.
പാകിസ്താൻ സൂപ്പർ ലീഗ് നിരീക്ഷിച്ചപ്പോൾ പാക് താരങ്ങൾക്ക് മികച്ചൊരു സിക്സ് നേടാൻ പോലും കഴിയുന്നില്ല. വിദേശ താരങ്ങൾ അനായാസം സിക്സുകൾ നേടുന്നു. കൃത്യമായ പരിശീലനത്തിലൂടെ താരങ്ങൾ കായികക്ഷമത വീണ്ടെടുക്കണമെന്ന് പി സി ബി ചെയർമാൻ മൊഹ്‌സിൻ നഖ്‌വി നിർദ്ദേശിച്ചു.
ഇംഗ്ലണ്ട് ടീമിനെതിരെ പരമ്പര കളിക്കണം. ജൂണിൽ ട്വന്റി 20 ലോകകപ്പിന് തയ്യാറെടുക്കണം. ഇതിനായി താരങ്ങൾ എപ്പോഴാണ് പരിശീലിക്കുക? എത്രയും വേഗം കായികക്ഷമത വീണ്ടെടുക്കാൻ സൈന്യം സഹായിക്കുമെന്നും പി സി ബി ചെയർമാൻ വ്യക്തമാക്കി.
