ലണ്ടൻ: ഇംഗ്ലണ്ട് ക്രിക്കറ്റ് താരം ജോഫ്രാ ആർച്ചർ കൈമുട്ടിനേറ്റ പരിക്കിൽ നിന്ന് തിരിച്ചുവരാനുള്ള ശ്രമത്തിലാണ്. ഇക്കാര്യം ഇംഗ്ലീഷ് ക്രിക്കറ്റ് ബോർഡ് കൃത്യമായി നിരീക്ഷിക്കുന്നുണ്ട്. പരിക്കിനെ തുടർന്ന് 2020ന് ശേഷം ക്രിക്കറ്റ് കലണ്ടറിലെ ഭൂരിഭാഗം മത്സരവും താരത്തിന് നഷ്ടമായി. എന്നാൽ ഒരിടവേളയ്ക്ക് ശേഷം ആർച്ചർ ക്രിക്കറ്റിലേക്ക് തിരിച്ചുവന്നു.
ഇംഗ്ലീഷ് കൗണ്ടി ക്രിക്കറ്റിൽ ഒരു അത്ഭുത ഇൻസ്വിംഗറുമായാണ് ആർച്ചറുടെ തിരിച്ചുവരവ്. ആർച്ചറുടെ പന്തിനെ നേരിടാൻ കഴിയാതെ ബാറ്റർ മുന്നോട്ട് വീഴാൻ തുടങ്ങി. പന്ത് പാഡിൽ തട്ടിയതോടെ ആർച്ചർ അപ്പീൽ ചെയ്തു. അമ്പയർ ഔട്ട് വിളിച്ചതോടെ തകർപ്പൻ ഇൻസ്വിംഗറിൽ വിക്കറ്റ് നേടാനും ആർച്ചറിന് കഴിഞ്ഞു.
പരിക്കിൽ നിന്ന് പൂർണ മോചിതനാകാത്ത ആർച്ചർ ഇത്തവണ ഐപിഎൽ കളിക്കില്ല. കഴിഞ്ഞ സീസൺ പകുതിക്ക് വെച്ച് താരം ഇന്ത്യൻ പ്രീമിയർ ലീഗ് വിട്ടിരുന്നു. പരിക്കിനെ തുടർന്നാണ് താരം ഐപിഎൽ വിട്ടത്.
