റോം: ഫോർമുല വൺ താരം ലൂയിസ് ഹാമിൽട്ടൺ ഫെരാരിയിൽ. 2025 ഫോര്‍മുല വണ്‍ സീസൺ മുതലാണ് ഏഴുതവണ ലോകചാമ്പ്യനായ ബ്രിട്ടീഷ് താരം ഇറ്റാലിയൻ ടീമിന്റെ ഡ്രൈവറാകുക. ഹാമിൽട്ടന്റെ രം​ഗപ്രവേശം ഇക്കാര്യം ഫെരാരി സ്ഥിരീകരിച്ചിട്ടുണ്ട്. കാർലോസ് സെയിന്‍സിന് പകരക്കാരനായാണ് ഹാമിൽട്ടൺ ഫെരാരിയിൽ എത്തുന്നത്.

ജീവിതത്തിൽ എടുത്തിട്ടുള്ളതിൽ ഏറ്റവും ബുദ്ധിമുട്ടേറിയ തീരുമാനമാണിതെന്ന് ഹാമിൽട്ടൺ പറഞ്ഞു. തന്റെ 13-ാം വയസ് മുതൽ മെഴ്സിഡെസിനൊപ്പമാണ്. എക്കാലവും മെഴ്സിഡെസ് കുടുംബം തനിക്ക് മികച്ച പിന്തുണ നൽകിയിരുന്നു. ഇപ്പോൾ പുതിയ വെല്ലുവിളികൾ ഏറ്റെടുക്കാൻ സമയമായെന്നും ഹാമിൽട്ടൺ വ്യക്തമാക്കി.

റേസിം​ഗ് ട്രാക്കിലെ എക്കാലത്തെയും മികച്ച താരമായാണ് ഹാമിൽട്ടണെ വിലയിരുത്തുന്നത്. ഏഴ് തവണ ലോകചാമ്പ്യനായ ഹാമിൽട്ടൺ ആകെ 103 കിരീടങ്ങൾ സ്വന്തമാക്കിയിട്ടുണ്ട്. ഫോര്‍മുല വണ്‍ ലോകകിരീടങ്ങളില്‍ ഒരു തവണ കൂടി വിജയിച്ചാൽ കൂടുതൽ തവണ ലോകചാമ്പ്യനാകുന്ന താരമെന്ന റെക്കോർഡ് ഹാമിൽട്ടൺ സ്വന്തമാക്കും.