തിരുവനന്തപുരം: യൂത്ത് കോണ്‍ഗ്രസ് വ്യാജ തിരിച്ചറിയല്‍ കാര്‍ഡ് കേസുകള്‍ ക്രൈംബ്രാഞ്ചിന് കൈമാറാതെ പൊലീസ്. മ്യൂസിയം പൊലീസ് സ്റ്റേഷനിലെ പ്രധാന കേസുകളൊന്നും കൈമാറിയിട്ടില്ല. മറിച്ച് തിരഞ്ഞെടുപ്പ് കമ്മീഷന്റെ പരാതിയിലെ കേസുകള്‍ മാത്രമാണ് കൈമാറിയത്.

മ്യൂസിയം പൊലീസ് അന്വേഷിക്കുന്ന കേസില്‍ ഇതുവരെയും ആറ് പേരെയാണ് അറസ്റ്റ് ചെയ്തിരിക്കുന്നത്. ഈ കേസ് കൈമാറിയില്ലെങ്കില്‍ ക്രൈംബ്രാഞ്ച് തുടക്കം മുതല്‍ അന്വേഷിക്കേണ്ടി വരും. കേസ് സംസ്ഥാന ഏജന്‍സി അന്വേഷിക്കണമെന്ന നിയമോപദേശവും പൊലീസ് അവഗണിച്ചു. പ്രോസിക്യൂട്ടര്‍ ഗീനാ കുമാരിയായിരുന്നു നിയമോപദേശം നല്‍കിയത്.