റിയാദ്: എഎഫ്സി ചാമ്പ്യൻസ് ലീ​ഗിന്റെ ക്വാർട്ടറിൽ അൽ നസറിന് തോൽവി. ആവേശകരമായ പോരാട്ടത്തിനൊടുവിൽ യു എ ഇ ക്ലബ് അൽ ഐനോടാണ് അൽ നസർ തോറ്റത്. ക്വാർട്ടർ ഫൈനലിന്റെ ആദ്യ പാദത്തിൽ അൽ ഐൻ ഒരു ​ഗോളിന് വിജയിച്ചിരുന്നു. രണ്ടാം പാദത്തിൽ 4-3ന് അൽ നസർ ജയിച്ചു. ഇതോടെ അന്തിമ ഫലം 4-4ന് തുല്യമായി.

പെനാൽറ്റി ഷൂട്ടൗട്ടിൽ ഒന്നിനെതിരെ മൂന്ന് ​ഗോളിനാണ് അൽ ഐന്റെ വിജയം. പിന്നാലെ ടീമിന്റെ തോൽവിയിൽ പ്രതികരണവുമായി സൂപ്പർ താരം ക്രിസ്റ്റ്യാനോ റൊണാൾഡോ രംഗത്തെത്തി. ആരാധകരുടെ പിന്തുണയ്ക്ക് നന്ദി. അൽ നസർ ശക്തമായി തിരിച്ചുവരും. അതിനായി ഒരുമിച്ച് നിൽക്കണമെന്നാണ് താരത്തിന്റെ വാക്കുകൾ.

സൗദി പ്രോ ലീ​ഗിലെ കിരീടമാണ് ക്രിസ്റ്റ്യാനോയ്ക്ക് മുന്നിലെ അടുത്ത ലക്ഷ്യം. എന്നാൽ സീസണിൽ ഒന്നാം സ്ഥാനത്തുള്ള അൽ ഹിലാലിനേക്കാൾ 12 പോയിന്റ് പിന്നിലാണ് അൽ നസർ. ഇനിയുള്ള മത്സരങ്ങളിൽ അൽ നസർ വിജയിക്കുന്നതിനൊപ്പം അൽ ഹിലാലിന്റെ ഫലങ്ങളും റൊണാൾഡോയുടെ സം​ഘത്തിന് നിർണായകമാണ്.