ഡൽഹി: ഇന്ത്യൻ ഫുട്ബോളിലെ എക്കാലത്തെയും മികച്ച ഇതിഹാസമാണ് സുനിൽ ഛേത്രി. അന്താരാഷ്ട്ര ഫുട്ബോളിൽ കൂടുതൽ ​ഗോൾ നേടിയവരിൽ ക്രിസ്റ്റ്യാനോ റൊണാൾഡോയുടെയും ലയണൽ മെസ്സിയുടെയും പേരിനൊപ്പമാണ് ഛേത്രിയും ചേർക്കപ്പെട്ടിരിക്കുന്നത്. ഇന്ത്യയുടെ ലോകകപ്പ് യോ​​ഗ്യതയെക്കുറിച്ചാണ് ഛേത്രിയുടെ ചിന്തകൾ മുഴുവൻ. ഇന്ത്യ ലോകകപ്പ് യോ​ഗ്യത നേടുന്നത് തന്റെ ജീവിതത്തിലെ ഏറ്റവും മനോഹര നിമിഷമായിരിക്കുമെന്ന് സുനിൽ ഛേത്രി പറയുന്നു.

ആ ദിവസത്തെക്കുറിച്ച് തനിക്ക് ഏറെ പ്രതീക്ഷകളുണ്ട്. തന്നെപ്പോലെ ഒരു രാജ്യം മുഴുവൻ ആ ദിവസത്തിനായി കാത്തിരിക്കുന്നു. അത് ഉടൻ തന്നെ സംഭവിക്കും. തനിക്ക് 39 വയസായിരിക്കുന്നു. ഒരുപാട് കാലം താൻ ഫുട്ബോളിൽ തുടരില്ല. എങ്കിലും വരാനിരിക്കുന്ന മൂന്ന് മാസം നിർണായകമാണെന്നും സുനിൽ ഛേത്രി ഫിഫയോട് പറഞ്ഞു.

ലോകകപ്പ് യോ​ഗ്യതയക്കായി ഇന്ത്യയുടെ അടുത്ത മത്സരം നവംബർ 16ന് കുവൈറ്റിനെതിരെയാണ്. അഫ്​ഗാനിസ്ഥാൻ, ഖത്തർ ടീമുകളും ഉൾപ്പെടുന്ന ​ഗ്രൂപ്പിൽ ഇന്ത്യ രണ്ടാം സ്ഥാനത്ത് എത്തിയാൽ അടുത്ത റൗണ്ടിൽ എത്തും.