ചെന്നൈ: ഇന്ത്യൻ പ്രീമിയർ ലീ​ഗിൽ ചെന്നൈ സൂപ്പർ കിം​ഗ്സും റോയൽ ചലഞ്ചേഴ്സ് ബെം​ഗളൂരുവും ഏറ്റുമുട്ടാനൊരുങ്ങുകയാണ്. എന്നാൽ ചെന്നൈയെ നേരിടാനൊരുങ്ങുന്ന റോയൽ ചലഞ്ചേഴ്സിന് കണക്കുകൾ ആശ്വാസകരമല്ല. ഇതുവരെ എട്ട് തവണയാണ് ചെന്നൈ-ബെം​ഗളൂരു പോരാട്ടം ചെപ്പോക്കിൽ നടന്നത്. അതിൽ ഏഴിലും ജയം ചെന്നൈക്ക് ഒപ്പമായിരുന്നു.

ചെപ്പോക്കിൽ ഇരുടീമുകളും തമ്മിൽ ഏറ്റുമുട്ടിയതിൽ ഒരിക്കൽ മാത്രമാണ് ചലഞ്ചേഴ്സിന് വിജയിക്കാനായത്. അതും 2008ലെ പ്രഥമ സീസണിലാണ് ആ വിജയം. അന്ന് പോയിന്റ് ടേബിളിൽ ഏഴാം സ്ഥാനത്തായിരുന്നു റോയൽ ചലഞ്ചേഴ്സ് ബെം​ഗളൂരു. ചെന്നൈ ആകട്ടെ സെമി സാധ്യതകൾ ഏറെക്കുറെ ഉറപ്പിക്കുകയും ചെയ്തിരുന്നു.

മത്സരത്തിൽ ആദ്യം ബാറ്റ് ചെയ്ത ബെം​ഗളൂരു എട്ട് വിക്കറ്റ് നഷ്ടത്തിൽ 126 റൺസെടുത്തു. രാഹുൽ ദ്രാവിഡ് നേടിയ 47 റൺസാണ് ബെംഗളൂരുവിനെ മാന്യമായ സ്കോറിലെത്തിച്ചത്. മറുപടി പറഞ്ഞ ബെം​ഗളൂരു എട്ട് വിക്കറ്റ് നഷ്ടത്തിൽ 112ൽ എത്താനെ സാധിച്ചുള്ളു. നാല് ഓവറിൽ 14 റൺസ് വഴങ്ങി മൂന്ന് വിക്കറ്റെടുത്ത അനിൽ കുംബ്ലെയാണ് ചെന്നൈയെ പ്രതിരോധിച്ചത്.