മുംബൈ: ബാങ്കോക്കിൽ നിന്ന് മുംബൈ വിമാനത്താവളത്തിലെത്തിയ യുവാവിന്റെ ല​ഗേജിൽ നിന്ന് വിലപിടിപ്പുളള പാമ്പുകളെ പിടിച്ചെടുത്തു. 11 പാമ്പുകളാണ് ല​ഗേജിലുണ്ടായിരുന്നത്. ഛത്രപതി ശിവജി വിമാനത്താവളത്തിലെത്തിയ യുവാവിൽ നിന്നാണ് പാമ്പുകളെ പിടികൂടിയത്. യുവാവിനെ കസ്റ്റംസ് അറസ്റ്റ് ചെയ്തു.

വ്യാഴാഴ്ച കസ്റ്റംസിന്റെ പരിശോധനയ്ക്കിടയിലാണ് പാമ്പുകളെ പിടികൂടിയത്. രഹസ്യവിവരം ലഭിച്ചതിന്റെ അടിസ്ഥാനത്തിൽ നടത്തിയ പരിശോധനയിലാണ് പാമ്പുകളെ കണ്ടെത്തിയത്. കേക്കും ബിസ്കറ്റ് പാക്കറ്റുകളുമാണ് ബാ​ഗിൽ ഉണ്ടായിരുന്നത്. സംശയം തോന്നിയ ഉദ്യോ​ഗസ്ഥർ ബാഗ് തുറന്ന് പരിശോധിച്ചു. പൊതി തുറന്നതും പാമ്പുകൾ പുറത്തുവന്നു. ഒമ്പത് പൈതൻ റെജിയസ് ഇനം പാമ്പുകളെയും രണ്ട് കോൺ പാമ്പുകളെയുമാണ് പിടിച്ചെടുത്തത്.