ഡൽഹി: ഇന്ത്യ നാളെ ഒരു സ്വാതന്ത്ര്യ ദിനം കൂടി ആഘോഷിക്കുകയാണ്. നൂറ്റാണ്ടുകളുടെ ബ്രിട്ടീഷ് ഭരണം അവസാനിപ്പിച്ച് സ്വാതന്ത്ര്യം നേടിയതിന്റെ ഓർമ്മപ്പെടുത്തൽ കൂടിയാണ് ഈ ദിനം. രാജ്യം അതിന്റെ 76-ാമത് സ്വാതന്ത്ര്യ ദിനമാണോ അല്ലെങ്കിൽ 77-ാമത് സ്വാതന്ത്ര്യദിനമാണോ ആഘോഷിക്കുന്നതെന്ന ആശയക്കുഴപ്പം ചിലർക്കെങ്കിലുമുണ്ടാകും.

എന്നാൽ ഈ സംശയം തീർക്കുകയാണ് പ്രസ് ‌ഇൻഫർമേഷൻ ബ്യൂറോ. പിഐബി പറയുന്നത് പ്രകാരം 2023ൽ 77-ാം സ്വാതന്ത്ര്യദിനമാണ് രാജ്യം ആഘോഷിക്കുന്നത്. ഈ വർഷം ഇന്ത്യൻ സ്വാതന്ത്ര്യത്തിന്റെ 76-ാം വാർഷികമായി കണക്കാക്കാം, കാരണം ഒന്നാം വാർഷികം യഥാർത്ഥ വർഷമായ 1947 കഴിഞ്ഞ് 1948 മുതലാണ് ആഘോഷിച്ചുതുടങ്ങുക. അതിനാൽ, 2023ൽ 77-ാം സ്വാതന്ത്ര്യദിനവും 76-ാം സ്വാതന്ത്ര്യദിന വാർഷികവുമാണ് ഇന്ത്യ ആഘോഷിക്കുക.

പ്രസിഡന്റ് ദ്രൗപതി മുർമ്മു സ്വാതന്ത്ര്യ ദിന ആശംസകൾ നേർന്നു. സ്വാതന്ത്ര്യ ദിന സന്ദേശത്തിൽ രാഷ്ട്രപതി തന്റെ ബാല്യകാല സ്മരണകൾ പങ്കുവെച്ചു. സ്വാതന്ത്ര്യ ദിനം വരുമ്പോൾ തന്റെ കുട്ടിക്കാലം ഓർമ്മവരും. ത്രിവർണ പതാക ഉയരുമ്പോൾ‌ തനിക്ക് വലിയ ഊർജ്ജമാണ് ലഭിച്ചത്. എല്ലാ ഇന്ത്യൻ പൗരന്മാർക്കും സ്വാതന്ത്ര ദിനം ഒരു മികച്ച വേദിയാണ്. സ്വാതന്ത്ര്യ ദിനത്തിലെ ഉത്സവത്തിൽ താൻ അമിതമായി ആഹ്ലാദിക്കുന്നു. മുതിർന്നവർക്കും കുട്ടികൾക്കും ​ഗ്രാമവാസികൾക്കും പട്ടണത്തിൽ താമസിക്കുന്നവർക്കും ​ഇന്ത്യയുടെ സർവ്വ മേഖലകളിലും സ്വാതന്ത്ര്യ ദിനം സന്തോഷത്തിന്റേതാണ്. രാജ്യത്തെ ജനങ്ങൾ ആസാദി കാ അമൃത് മഹോത്സവ് ആവേശത്തോടെ ആഘോഷിക്കുന്നതായും രാഷ്ട്രപതി കൂട്ടിച്ചേർത്തു.

Story Highlights: Is It The 76th or 77th Independence Day? Here's The Answer To Your Confusion