മലപ്പുറം: തലപ്പാറയിൽ കെഎസ്ആർടിസി ബസ് പത്ത് അടിയോളം താഴ്ചയിലേക്ക് മറിഞ്ഞ് ഉണ്ടായ അപകടത്തിൽ നിരവധി പേർക്ക് പരിക്കേറ്റു. ഇന്നലെ രാത്രി പതിനൊന്നരയോടെയായിരുന്നു സംഭവം. കോഴിക്കോട്‌ ഭാഗത്തുനിന്ന്‌ എറണാകുളത്തേക്ക്‌ പോകുകയായിരുന്ന ബസാണ്‌ അപകടത്തിൽപ്പെട്ടത്‌.

പരിക്കേറ്റവരെ തിരൂരങ്ങാടി താലൂക്ക്‌ ആശുപത്രിയിലേക്കും സമീപ പ്രദേശങ്ങളിലുള്ള സ്വകാര്യ ആശുപത്രികളിലും പ്രവേശിപ്പിച്ചിരിക്കുകയാണ്. ഇവരുടെ പരിക്കുകൾ ​ഗുരുതരമല്ല. ബസ്‌ അമിതവേഗത്തിലായിരുന്നു എന്നാണ് യാത്രക്കാർ പറയുന്നത്. പിറകിൽ വന്ന ബസ്സിലെ യാത്രക്കാരുടേയും നാട്ടുകാരുടേയും നേതൃത്വത്തിലായിരുന്നു രക്ഷാപ്രവർത്തനം.