പത്തനംതിട്ട: ആറന്മുള ഉത്രട്ടാതി ജലമേളയ്ക്കിടെ മൂന്ന് പളളിയോടങ്ങൾ മറിഞ്ഞ് അപകടം. സ്റ്റാർട്ടിങ്ങ് പോയിന്റിൽ ഒരു പള്ളിയോടം മറിഞ്ഞ് നാലു പേരെ കാണാതായെന്ന് തുഴച്ചിലുകാർ പറഞ്ഞു. അനന്തു, ഉല്ലാസ്, വൈഷ്ണവ്, അരുൺ എന്നിവരെയാണ് കാണാതായത്. കാണാതായവർക്കായുളള തിരച്ചിൽ പുരോ​ഗമിക്കുകയാണ്.

എ ബാച്ച് പളളിയോടങ്ങളുടെ സെമീ ഫൈനൽ ആരംഭിച്ചതിന് പിന്നാലെ മറ്റൊരു പള്ളിയോടം മറിഞ്ഞു. മാലക്കര പള്ളിയോടമാണ് മറിഞ്ഞത്. ഹീറ്റ്സ് മത്സരത്തിനിടെ ബി ബാച്ച് പളളിയോടവും മറിഞ്ഞു. ഈ വളളത്തിലുളളവരെ രക്ഷാ ബോട്ടുകളിലേക്ക് മാറ്റി.