ഓൾഡ് ട്രാഫോഡ്: മാഞ്ചസ്റ്റർ യുണൈറ്റഡ് ​ഗോൾ കീപ്പറായി കാമറൂൺ താരം ആന്ദ്ര ഒനാന എത്തും. 50 മില്യൺ പൗണ്ടിനാണ് (537 കോടി രൂപ) താരം മാഞ്ചസ്റ്റർ യുണൈറ്റഡിലേ​ക്ക് എത്തുന്നത് എന്നാണ് റിപ്പോർട്ട്. അഞ്ച് വർഷത്തേയ്ക്കാണ് ഒനാന മാഞ്ചസ്റ്റർ യുണൈറ്റഡിൽ കളിക്കുക. ക്ലബുമായുള്ള കരാറിൻ്റെ അവാസന ഘട്ട ചർച്ചകൾ തുടരുകയാണ്.

മുമ്പ് ഡേവിഡ് ഡി ​ഗിയ ടീം വിട്ടതോടെ ആന്ദ്ര ഒനാന മാഞ്ചസ്റ്റർ യുണൈറ്റഡിലേക്ക് എത്തിയേക്കുമെന്ന് സൂചന ഉണ്ടായിരുന്നു. ഇൻ്ററിനായി 24 സിരി എ ​മത്സരങ്ങൾ കളിച്ച ഒനാന എട്ട് മത്സരങ്ങളിൽ ക്ലീൻ ഷീറ്റ് സ്വന്തമാക്കി. ചാമ്പ്യൻസ് ലീ​ഗിൽ 13 മത്സരങ്ങളിൽ നിന്നും എട്ട് ക്ലീൻ ഷീറ്റുകളും സ്വന്തമാക്കി. ചാമ്പ്യൻസ് ലീ​ഗ് ചരിത്രത്തിൽ ഒരു ​ഗോൾകീപ്പറുടെ ഏറ്റവും ഉയർന്ന ക്ലീൻ ഷീറ്റ് റെക്കോർഡാണിത്. ഇൻ്ററിന് മുമ്പ് ഏഴ് വർഷം നെതർലാൻഡ്സ് ക്ലബായ അജാസിലും ഒനാൻ കളിച്ചിട്ടുണ്ട്.

സാങ്കേതിക പൂർണ്ണതയുള്ള ഒനാനയെ ക്ലബിൽ എത്തിച്ചാൽ ഡേവിഡ് ​ഗിയയ്ക്ക് പകരക്കാരനാവുമെന്ന പ്രതീക്ഷയിലാണ് മാഞ്ചസ്റ്റർ യുണൈറ്റഡ്. സമ്മർ ട്രാൻസ്ഫറിൽ മാഞ്ചസ്റ്റർ യുണൈറ്റഡിൽ എത്തുന്ന രണ്ടാമത്തെ താരമാണ് ഒന്നാന. മുമ്പ് ചെൽസിയുടെ മധ്യനിര താരം മേസൻ മൗണ്ട് യുണൈറ്റഡുമായി കരാറിലെത്തിയിരുന്നു.