കൊല്ക്കത്ത: ഇന്ത്യന് പ്രീമിയര് ലീഗില് പഞ്ചാബ് കിങ്സിനെതിരായ മത്സരത്തില് കൊല്ക്കത്ത ആദ്യം ബാറ്റുചെയ്യും. ടോസ് വിജയിച്ച പഞ്ചാബ് ക്യാപ്റ്റന് സാം കറന് ഫീല്ഡിങ് തിരഞ്ഞെടുത്തു. കൊല്ക്കത്തയുടെ തട്ടകമായ ഈഡന് ഗാര്ഡന്സിലാണ് മത്സരം.
ഒരു മാറ്റവുമായാണ് കൊല്ക്കത്ത ഇറങ്ങുന്നത്. സൂപ്പര് താരം മിച്ചല് സ്റ്റാര്ക്കിന് പകരം ദുഷ്മന്ത ചമീര ടീമിലെത്തി. പഞ്ചാബ് സ്ക്വാഡിലും ഒരു മാറ്റമുണ്ട്. ലിയാം ലിവിങ്സ്റ്റണിന് പകരം ജോണി ബെയര്സ്റ്റോ ടീമിലെത്തി.
കൊൽക്കത്ത നൈറ്റ് റൈഡേഴ്സ്: ഫിലിപ്പ് സാൾട്ട് (വിക്കറ്റ് കീപ്പർ), സുനിൽ നരെയ്ൻ, അംഗ്കൃഷ് രഘുവംശി, ശ്രേയസ് അയ്യർ (ക്യാപ്റ്റന്), വെങ്കിടേഷ് അയ്യർ, റിങ്കു സിങ്, ആന്ദ്രെ റസൽ, രമൺദീപ് സിങ്, ദുഷ്മന്ത ചമീര, വരുൺ ചക്രവർത്തി, ഹർഷിത് റാണ.
പഞ്ചാബ് കിങ്സ്: ജോണി ബെയർസ്റ്റോ, സാം കറൻ (ക്യാപ്റ്റന്), റിലീ റോസോ, ജിതേഷ് ശർമ്മ (വിക്കറ്റ് കീപ്പർ), ശശാങ്ക് സിങ്, അശുതോഷ് ശർമ്മ, ഹർപ്രീത് ബ്രാർ, ഹർഷൽ പട്ടേൽ , കഗിസോ റബാദ , രാഹുൽ ചാഹർ, അർഷ്ദീപ് സിങ്.