വാക്സിനെടുക്കാത്തവർക്കും പൊതുയിടങ്ങളിൽ പ്രവേശിക്കാം; അബുദാബിയിൽ കൊവിഡ് നിയന്ത്രണങ്ങളിൽ ഇളവ്

അബുദാബി: കൊവിഡ് വ്യാപന തോത് കുറഞ്ഞതോടുകൂടി ​നിയന്ത്രണങ്ങളിൽ ഇളവുകൾ നൽകി അബുദാബി. ഇനി മുതൽ വാക്സിൻ സ്വീകരിക്കാത്തവർക്കും അബുദാബിയിലെ പൊതുയിടങ്ങളിൽ പ്രവേശിക്കാം. ഇതിനായി 48 മണിക്കൂറിനുള്ളിൽ ലഭിച്ച നെഗറ്റീവ് പിസിആർ പരിശോധനാ ഫലം ഹാജരാക്കണം. ഈ നിബന്ധനയിൽ മാറ്റമില്ല. വ്യാഴാഴ്ച മുതൽ പ്രവേശന ഇളവ് പ്രാബല്യത്തിൽ വന്നു. അബുദാബി ദുരന്ത നിവാരണ സമിതിയാണ്​ ഇക്കാര്യം അറിയിച്ചത്​.

Abu Dhabi Emergency, Crisis and Disasters Committee has updated the entry requirement for non-vaccinated visitors to events, tourist attractions and cultural sites in the emirate, effective Thursday, 17 March, 2022. pic.twitter.com/inBauKlfm1

— مكتب أبوظبي الإعلامي (@admediaoffice) March 17, 2022

ഇളവുകൾ പ്രാബല്യത്തിൽ വന്നതോടു കൂടി അബുദാബി എമിറേറ്റിലെ ഇവന്റുകൾ, വിനോദസഞ്ചാര കേന്ദ്രങ്ങൾ, സാംസ്കാരിക കേന്ദ്രങ്ങൾ, സിനിമാശാലകൾ, ജിമ്മുകൾ തുടങ്ങിയ ഇടങ്ങളിൽ വാക്സിൻ എടുക്കാത്തവർക്ക് പ്രവേശിക്കാം. മുൻപ്​ വാക്‌സിനേഷൻ എടുത്തവർക്ക്​ മാത്രമേ അൽ ഹുസ്​ൻ ആപ്പിലെ ഗ്രീൻ പാസ് ഉപയോഗിച്ച് പൊതുയിടങ്ങളിൽ പ്രവേശനം അനുവദിച്ചിരുന്നുളളു. ഇവർക്ക് സൂപ്പർമാർക്കറ്റുകളിലും ഫാർമസികളിലും മാത്രമാണ് പ്രവേശനം അനുവദിച്ചിരുന്നത്. ഈ നിയന്ത്രണങ്ങളിലാണ് ഇപ്പോൾ ഇളവ് നൽകിയിരിക്കുന്നത്.

Story highlights: In Abu Dhabi, even those who have not been vaccinated can enter public places