ജോലിക്കിടെ പരിക്കേറ്റ മലയാളി യുവാവ് യുഎഇയിൽ മരണപ്പെട്ടു

അൽഐൻ: മലപ്പുറം തിരൂർ സ്വദേശി യുഎഇയിൽ നിര്യാതനായി. ഇരിങ്ങാവൂർ സ്വദേശിയായ വള്ളിയേങ്ങൽ മുഹമ്മദ് ലുഖ്‍മാനാണ് മരണപ്പെട്ടത്. 31 വയസായിരുന്നു. മൂന്ന് ദിവസം മുൻപ് ജോലിക്കിടെ വീണ ലുഖ്മാന് പരിക്കേറ്റിരുന്നു. തലയ്ക്ക് ​ഗുരുതരമായി പരിക്കേറ്റെന്ന് വ്യക്തമായതോടെ അൽ ഐൻ തവാം ഹോസ്‍പിറ്റലിൽ പ്രവേശിപ്പിച്ചു.

ചികിത്സ പുരോ​ഗമിക്കുന്നതിനിടെയാണ് മരണം സംഭവിച്ചിത്. ഭാര്യ - ഫർസാന. മകൻ - ഫൈസാൻ. പിതാവ് - മുസ്‍തഫ വള്ളിയേങ്ങൽ. മാതാവ് - പാത്തുമ്മ. നിയമ നടപടികൾ പൂർത്തിയാക്കിയ ശേഷം മൃതദേഹം നാട്ടിലെത്തിക്കും. ഖബറടക്കം സ്വദേശമായ തിരൂരിലായിരിക്കും.

story highlights: Malayalee youth dies in UAE