Top

'മഹാരാഷ്ട്ര പൊലീസ് ഇൻവെസ്റ്റിഗേറ്റിങ് എ മല്ലു കേസ് ഇൻ തമിഴ്നാട്', ത്രില്ലറുമായി ഭാവന സ്റ്റുഡിയോസ്; 'തങ്കം' ട്രെയ്‌ലർ

ജനുവരി 26-നാണ് തങ്കം റിലീസ് ചെയ്യുന്നത്.

17 Jan 2023 1:54 PM GMT
ഫിൽമി റിപ്പോർട്ടർ

മഹാരാഷ്ട്ര പൊലീസ് ഇൻവെസ്റ്റിഗേറ്റിങ് എ മല്ലു കേസ് ഇൻ തമിഴ്നാട്, ത്രില്ലറുമായി ഭാവന സ്റ്റുഡിയോസ്; തങ്കം ട്രെയ്‌ലർ
X

ഭാവന സ്റ്റുഡിയോസിന്റെ ബാനറിൽ ദിലീഷ് പോത്തൻ, ഫഹദ് ഫാസിൽ, ശ്യാം പുഷ്ക്കരൻ എന്നിവർ നിർമ്മിക്കുന്ന പുതിയ ചിത്രമാണ് 'തങ്കം'. നവാഗതനായ സഹീദ് അരാഫത്ത് സംവിധാനം ചെയ്യുന്ന സിനിമയുടെ ട്രെയ്‌ലർ റിലീസ് ചെയ്തു. ത്രില്ലർ സ്വഭാവമുള്ള ചിത്രമായിരിക്കും തങ്കം എന്ന് ഉറപ്പ് നൽകുന്നുണ്ട് ട്രെയ്‌ലർ.

ജനുവരി 26-നാണ് തങ്കം റിലീസ് ചെയ്യുന്നത്. ബിജു മേനോന്‍, വിനീത് ശ്രീനിവാസന്‍, അപര്‍ണ ബാലമുരളി എന്നിവരാണ് ചിത്രത്തിലെ പ്രധാന കഥാപാത്രങ്ങളെ അവതരിപ്പിക്കുന്നത്. ശ്യാം പുഷ്കരനാണ് തിരക്കഥ ഒരുക്കുന്നത്.


ഗിരീഷ് കുൽക്കർണി, വിനീത് തട്ടിൽ, ശ്രീകാന്ത് മുരളി, അന്തരിച്ച നടന്‍ കൊച്ചു പ്രേമൻ തുടങ്ങിയവര്‍ക്കൊപ്പം നിരവധി മറാഠി, ഹിന്ദി, തമിഴ് അഭിനേതാക്കളും ചിത്രത്തില്‍ വേഷമിട്ടിട്ടുണ്ട്. ദംഗൽ, അഗ്ലി തുടങ്ങിയ ശ്രദ്ധേയ ബോളിവുഡ് ചിത്രങ്ങളിലൂടെ മലയാളി പ്രേക്ഷകർക്കും സുപരിചിതനായ മറാഠി നടനും തിരക്കഥാകൃത്തുമായ ഗിരീഷ് കുൽക്കർണി ആദ്യമായി മലയാളം സിനിമയിലേക്ക് എത്തുന്ന ചിത്രമാണ് തങ്കം.

ഗൗതം ശങ്കർ ആണ് ചിത്രത്തിന്‍റെ ഛായാഗ്രാഹകന്‍. എഡിറ്റിംഗ് കിരൺ ദാസ്, കലാസംവിധാനം ഗോകുൽ ദാസ്, സൗണ്ട് ഡിസൈൻ ഗണേഷ് മാരാർ, മേക്കപ്പ് റോണക്സ് സേവ്യർ, ആക്ഷൻ സുപ്രീം സുന്ദർ, ജോളി ബാസ്റ്റിൻ, വസ്ത്രാലങ്കാരം മഷർ ഹംസ, പ്രൊഡക്ഷൻ കൺട്രോളർ ബിനു മണമ്പൂർ, സൗണ്ട് മിക്സിങ് തപസ് നായിക്ക്, സഹനിര്‍മ്മാണം രാജൻ തോമസ്, ഉണ്ണിമായ പ്രസാദ്, വി എഫ് എക്സ്- എഗ് വൈറ്റ് വിഎഫ്എക്സ്, ഡി ഐ കളർ പ്ലാനറ്റ് സ്റ്റുഡിയോസ്, എക്സിക്യൂട്ടീവ് പ്രൊഡ്യൂസേഴ്‌സ് ബെന്നി കട്ടപ്പന, ജോസ് വിജയ്, കോ ഡയറക്ടർ പ്രിനീഷ് പ്രഭാകരൻ. പിആര്‍ഒ ആതിര ദില്‍ജിത്ത്.

story highlights: thankam movie trailer released

Next Story