Top

'ഇത് അവളുടെ അതിജീവനം'; ഭാവനയുടെ 'ദി സർവൈവൽ' ടീസർ

മലയാളത്തിലേക്ക് നീണ്ട നാളത്തെ ഇടവേളയ്ക്ക് ശേഷമുള്ള ഭാവനയുടെ തിരിച്ചു വരവ് കൂടിയാണ് 'ദി സർവൈവൽ'

27 May 2022 4:23 AM GMT
ഫിൽമി റിപ്പോർട്ടർ

ഇത് അവളുടെ അതിജീവനം; ഭാവനയുടെ ദി സർവൈവൽ ടീസർ
X

ഭാവന നായികയായെത്തുന്ന ഹ്രസ്വചിത്രം 'ദി സർവൈവലി'ന്റെ ടീസർ റിലീസ് ചെയ്തു. മധ്യപ്രവർത്തകനായ എസ് എന്‍ രജീഷ് സംവിധാനം ചെയ്യുന്ന ചിത്രത്തിന്റെ ടീസർ തന്റെ സോഷ്യൽ മീഡിയ പേജിലൂടെയാണ് പങ്കുവച്ചത്. ചിത്രത്തിന്റെ ഒഫീഷ്യൽ വീഡിയോ ഉടൻ പോസ്റ്റ് ചെയ്യുമെന്നും രജീഷ് പറഞ്ഞു. മലയാളത്തിലേക്ക് നീണ്ട നാളത്തെ ഇടവേളയ്ക്ക് ശേഷമുള്ള ഭാവനയുടെ തിരിച്ചു വരവ് കൂടിയാണ് 'ദി സർവൈവൽ'.'

ടീസര്‍ ഇപ്പോൾ പ്രേക്ഷകരും ഏറ്റെടുത്തിരിക്കുകയാണ്. ഭാവനയുടെ തിരിച്ചുവരവിനായി കാത്തിരിക്കുന്നു എന്നും, അഭിനന്ദനങ്ങൾ അറിയിച്ചും പ്രതികരണങ്ങൾ എത്തുന്നുണ്ട്. ബോക്സിങ് പരീശീലനം നടത്തുന്ന താരത്തിന്റെ ദൃശ്യങ്ങളാണ് ടീസറിൽ കാണിക്കുന്നത്. ''ഒരു തിരിച്ചുവരവിനായുള്ള പോരാട്ടത്തിൽ എന്നോടൊപ്പം ചേരൂ'' എന്ന ചിത്രം ആഹ്വാനം ചെയ്യുന്നു.

അതേസമയം 'ന്റിക്കാക്കക്കൊരു പ്രേമോണ്ടാർന്ന്' എന്ന ചിത്രത്തിലൂടെ മലയ ചലച്ചിത്ര രംഗത്തേക്ക് കടന്നു വരാൻ തയ്യാറെടുക്കുകയാണ്. ഭാവനയ്‌ക്കൊപ്പം ഷറഫുദീൻ ആണ് പ്രധാന വേഷത്തിലെത്തുന്നത്. ഭാവന കുറച്ചുവര്‍ഷങ്ങളായി മലയാള സിനിമയില്‍ നിന്ന് മാറി നില്‍ക്കുകയായിരുന്നു. എന്നാൽ കന്നഡ, തമിഴ് ഭാഷകളില്‍ താരം സജീവമായിരുന്നു.

Story highlights: Bhavanas malayalam short film'The Survival' teaser

Next Story