സൗദിയിൽ 642 പുതിയ കൊവിഡ് കേസുകൾ; രോഗമുക്തിയിൽ നേരിയ വർധനവ്

റിയാദ്​: സൗദിയിൽ കൊവിഡ് കേസുകൾ ഉയരുന്നു. ബുധനാഴ്ച പുതുതായി 642 പേർക്ക്​​ കൊവിഡ്​ സ്ഥിരീകരിച്ചു. ഈ വർഷം ഫെബ്രുവരി 28 ന് ശേഷമുള്ള ഏറ്റവും ഉയർന്ന പ്രതിദിന കണക്കാണിത്. അതേസമയം കൊവിഡ് രോഗ​മുക്തി നിരക്കിൽ നേരിയ വർധനവുണ്ട്​.

കഴിഞ്ഞ 24 മണിക്കൂറിനിടെ 145 പേർ കൊവിഡ് രോഗമുക്തി നേടി. ഇതുവരെ രാജ്യത്ത് റിപ്പോർട്ട് ചെയ്യപ്പെട്ട ആകെ കൊവിഡ് കേസുകളുടെ എണ്ണം 757,191ഉം രോഗമുക്തരുടെ എണ്ണം 742,927 ഉം ആയതായി ആരോഗ്യ മന്ത്രാലയം അറിയിച്ചു. രാജ്യത്ത്​ വിവിധ ഭാഗങ്ങളിലായി രണ്ട്​​ മരണങ്ങളും അധികൃതർ സ്ഥിരീകരിച്ചു. ആകെ മരണങ്ങളുടെ എണ്ണം 9,108 ആയി.

രാജ്യത്തെ പ്രധാന നഗരങ്ങളിൽ പുതുതായി റിപ്പോർട്ട് ചെയ്ത രോഗികളുടെ എണ്ണം: ജിദ്ദ 189, റിയാദ് 127, മക്ക 72, മദീന 56, ദമാമ് 31, എന്നിങ്ങനെയാണ്. മറ്റ് പല നഗരങ്ങളിലും 20-ൽ താഴെ പുതിയ കേസുകൾ രേഖപ്പെടുത്തി. നിലവിലെ കേസുകളിൽ 60 പേരുടെ നില ഗുരുതരമാണെന്ന് മന്ത്രാലയം അറിയിച്ചു. ഇവർ രാജ്യത്തെ വിവിധ ആശുപത്രികളിലെ തീവ്രപരിചരണ വിഭാഗത്തിൽ ചികിത്സയിൽ തുടരുന്നു.

Story highlights: Saudi Arabia reports 642 new covid cases