Top

സൗദിയുമായി സഹകരണം ശക്തമാക്കാൻ അമേരിക്ക; 18 പുതിയ കരാറുകൾ ഒപ്പുവെച്ചു

കരാറുകളുടെ ഭൂരിഭാ​ഗവും വാർത്താവിനിമയം, ഊർജം, ആരോ​ഗ്യം എന്നീ മേഖലകളിലാണ്.

16 July 2022 4:54 AM GMT
റിപ്പോർട്ടർ മിഡില്‍ ഈസ്റ്റ്

സൗദിയുമായി സഹകരണം ശക്തമാക്കാൻ അമേരിക്ക; 18 പുതിയ കരാറുകൾ ഒപ്പുവെച്ചു
X

ജിദ്ദ: സൗദി സന്ദർശനത്തിനെത്തിയ അമേരിക്കൻ പ്രസിഡന്റ് ജോ ബൈ‍ഡൻ സൗ​ദി അറേബ്യയുമായി 18 കരാറുകളിൽ ഒപ്പു വെച്ചു. കരാറുകളുടെ ഭൂരിഭാ​ഗവും വാർത്താവിനിമയം, ഊർജം, ആരോ​ഗ്യം എന്നീ മേഖലകളിലാണ്. പുതിയ കരാറുകളുടെ ഭാ​ഗമായി അമേരിക്കയും സൗ​ദിയും പരസ്പരം നിക്ഷേപം നടത്തും. ഉഭയക്ഷി ധാരണ പ്രകാരമുള്ള കരാറുകളാണ് ബൈഡന്റെ സന്ദർശനത്തിന്റെ ഭാ​ഗമായി ഒപ്പു വെച്ചത്.

ഒപ്പു വെച്ച 18ൽ 13 കരാറുകൾ നിക്ഷേപ മന്ത്രാലയവുമായാണ്. ആരോ​ഗ്യം, ഐടി, ടൂറിസം, വിദ്യാഭ്യാസം, ടെക്സ്റ്റൈൽ മേഖലയിലും കരാറുകളുണ്ട്. ചന്ദ്രനിലേക്ക് മനുഷ്യരെ അയക്കുന്ന പദ്ധതിയിലും അമേരിക്ക സൗദിക്ക് അവസരം നൽകുമെന്നും കരാറിൽ പറയുന്നു. ഡിജിറ്റൽ സാങ്കേതിക വിദ്യാ മേഖലയിൽ ഒരു ലക്ഷം സൗദി യുവാക്കൾക്ക് യുഎസിന്റെ നേത്യത്വത്തിൽ പരിശീലനം നൽകും. സൗദിയെ ആ​ഗോള ഐടി ഹബ്ബാക്കുന്ന പദ്ധതിയുടെ ഭാഗമായിട്ടാണ് ഇത്.

ഫൈവ് ജി, സിക്സ് ജി സേവനങ്ങൾ സൗദിയിൽ വ്യാപകമാക്കാനും സൗദിയിലെ പൊതു ആരോഗ്യ രംഗം, മെഡിക്കൽ സയൻസ്, ആരോഗ്യ- ഗവേഷണ മേഖലകളിലും സഹകരിക്കാൻ ഇരു രാജ്യങ്ങളും കരാറിൽ ഒപ്പു വെച്ചു.

story highlights: America to strengthen cooperation with Saudi; 18 new contracts signed

Next Story