Top

‘ന്യായീകരിക്കാന്‍ റഹീം, പാര്‍ട്ടി കാര്യങ്ങള്‍ തീരുമാനിക്കാന്‍ കൊടി സുനിയും അര്‍ജ്ജുന്‍ ആയങ്കിമാരും’; സിപിഐമ്മിന് സ്വന്തമായി കൊട്ടേഷന്‍ സംഘങ്ങളുമുണ്ടെന്ന് കൊടിക്കുന്നില്‍

തിരുവനന്തപുരം: സ്വര്‍ണ്ണക്കടത്ത് സംഘങ്ങള്‍ക്ക് സിപിഐഎമ്മുമായുള്ള ബന്ധം പുറത്തുകൊണ്ടുവരാനുള്ള രാഷ്ട്രീയ ഉത്തരാവാദിത്വം കോണ്‍ഗ്രസ് ഏറ്റെടുക്കുമെന്ന് കൊടിക്കുന്നില്‍ സുരേഷ് എംപി. ചാനല്‍ ചര്‍ച്ചകളില്‍ പോയിരുന്ന് പാര്‍ട്ടിയെ ന്യായീകരിക്കല്‍ മാത്രമാണ് റഹീമിനെ പോലുള്ളവരുടെ പണിയെന്നും പാര്‍ട്ടിയില്‍ കാര്യങ്ങള്‍ തീരുമാനിക്കുന്നത് കൊടി സുനിയും അര്‍ജ്ജുന്‍ ആയങ്കിമാരുമാണെന്നും കൊടിക്കുന്നില്‍ സുരേഷ് പറഞ്ഞു. സ്വന്തമായി കോടതിയും പോലീസും മാത്രമല്ല സിപിഐഎമ്മിന് സമാന്തര സാമ്പത്തിക ഇടപാടുകളും കൊട്ടേഷന്‍ സംഘങ്ങളും വരെ ഉണ്ടെന്നും എംപി പരിഹസിച്ചു. സിപിഐഎം കണ്ണൂര്‍ പാര്‍ട്ടി നേതൃത്വത്തില്‍ തുടങ്ങി കരിപ്പൂര്‍ വിമാനത്താവളം വഴി മുഖ്യമന്ത്രിയുടെ […]

27 Jun 2021 5:55 AM GMT
റിപ്പോർട്ടർ നെറ്റ്‌വർക്ക്

‘ന്യായീകരിക്കാന്‍ റഹീം, പാര്‍ട്ടി കാര്യങ്ങള്‍ തീരുമാനിക്കാന്‍ കൊടി സുനിയും അര്‍ജ്ജുന്‍ ആയങ്കിമാരും’; സിപിഐമ്മിന് സ്വന്തമായി കൊട്ടേഷന്‍ സംഘങ്ങളുമുണ്ടെന്ന് കൊടിക്കുന്നില്‍
X

തിരുവനന്തപുരം: സ്വര്‍ണ്ണക്കടത്ത് സംഘങ്ങള്‍ക്ക് സിപിഐഎമ്മുമായുള്ള ബന്ധം പുറത്തുകൊണ്ടുവരാനുള്ള രാഷ്ട്രീയ ഉത്തരാവാദിത്വം കോണ്‍ഗ്രസ് ഏറ്റെടുക്കുമെന്ന് കൊടിക്കുന്നില്‍ സുരേഷ് എംപി. ചാനല്‍ ചര്‍ച്ചകളില്‍ പോയിരുന്ന് പാര്‍ട്ടിയെ ന്യായീകരിക്കല്‍ മാത്രമാണ് റഹീമിനെ പോലുള്ളവരുടെ പണിയെന്നും പാര്‍ട്ടിയില്‍ കാര്യങ്ങള്‍ തീരുമാനിക്കുന്നത് കൊടി സുനിയും അര്‍ജ്ജുന്‍ ആയങ്കിമാരുമാണെന്നും കൊടിക്കുന്നില്‍ സുരേഷ് പറഞ്ഞു.

സ്വന്തമായി കോടതിയും പോലീസും മാത്രമല്ല സിപിഐഎമ്മിന് സമാന്തര സാമ്പത്തിക ഇടപാടുകളും കൊട്ടേഷന്‍ സംഘങ്ങളും വരെ ഉണ്ടെന്നും എംപി പരിഹസിച്ചു.

സിപിഐഎം കണ്ണൂര്‍ പാര്‍ട്ടി നേതൃത്വത്തില്‍ തുടങ്ങി കരിപ്പൂര്‍ വിമാനത്താവളം വഴി മുഖ്യമന്ത്രിയുടെ ഓഫീസ് വരെ നീളുന്നതാണ് കേരളത്തിലെ സ്വര്‍ണകടത്ത് മാഫിയ ഇടപാടുകള്‍. നയതന്ത്ര ബാഗേജ് വഴി സ്വര്‍ണം കടത്തിയ കേസില്‍ മുഖ്യമന്ത്രിയുടെ ഓഫീസിന്റെ പങ്ക് കേന്ദ്ര ഏജന്‍സികളുടെ അന്വേഷണപരിധിയില്‍ ആണ്. ഇത്തരത്തില്‍ സിപിഐഎമ്മിന്റെ സ്വര്‍ണ്ണക്കടത്ത് കഥകള്‍ ഓരോന്നായി പുറത്തുവരുമെന്നും കൊടിക്കുന്നില്‍ കൂട്ടിച്ചേര്‍ത്തു.

പ്രതികരണത്തിന്റെ പൂര്‍ണ്ണരൂപം:

പട്ടാപ്പകല്‍ പയ്യന്നൂര്‍ ടൗണില്‍ വച്ച് ബോംബെറിഞ്ഞും വെട്ടിയും സിപിഐഎം ക്രിമിനലുകള്‍ ഇല്ലാതാക്കിയതാണ് പ്രിയപ്പെട്ട സജിത്ത് ലാലിനെ. ശരിയുടെ രാഷ്ട്രീയ പക്ഷത്ത് നിന്ന് ജനാധിപത്യത്തിനും സംഘടനാ സ്വാതന്ത്ര്യത്തിനും വേണ്ടി അവസാന ശ്വാസം വരെ പൊരുതിയ പോരാളിയായിരുന്നു സജിത്ത് ലാല്‍.

അന്ന് സജിത്ത് ലാലിനെ ഇല്ലാതാക്കിയ കണ്ണൂരിലെ ക്രിമിനല്‍ രാഷ്ട്രീയമാണ് സ്വര്‍ണ്ണക്കടത്ത് മാഫിയയും കൊട്ടേഷന്‍ സംഘങ്ങളുമായി മാറിയിരിക്കുന്നത്. പാര്‍ട്ടിയുടെ തണലിലും പിന്തുണയിലുമാണ് ഈ ക്രിമിനല്‍സംഘങ്ങള്‍ അഴിഞ്ഞാടുന്നത്. ടി പി ചന്ദ്രശേഖരന്‍ വധത്തില്‍ അകത്തായ കൊടി സുനിയെ ജയിലില്‍ സന്ദര്‍ശിക്കാത്ത ഇജങ നേതാക്കന്മാരുണ്ടോ കണ്ണൂരില്‍ ? ഒരു മനുഷ്യനെ ജീവനോടെ 51 വെട്ട് വെട്ടി കൊന്ന കൊടി സുനിക്ക് ‘മാനുഷിക പരിഗണന’യുടെ പേരില്‍ വിയ്യൂര്‍ സെന്‍ട്രല്‍ ജയിലില്‍ സര്‍ക്കാര്‍ ഒരുക്കിയിരുന്നത് വലിയ സൗകര്യങ്ങളാണെന്ന റിപ്പോര്‍ട്ടുകള്‍ പലതവണ പുറത്ത് വന്നതാണ്. 5 പേരെ പാര്‍പ്പിക്കാവുന്ന സെല്ലില്‍ ഒന്നര വര്‍ഷമായി ഒറ്റയ്ക്കാണ് സുനിയുടെ വാസം. ജയിലിനുള്ളിലിരുന്നു ക്വട്ടേഷനുകള്‍ ആസൂത്രണം ചെയ്യാനുള്ള ഫോണ്‍ സൗകര്യം ഒരുക്കിക്കൊടുത്തിരിക്കുന്നതും സര്‍ക്കാര്‍ ഒത്താശയോടെയാണ്. നയതന്ത്ര ബാഗേജ് വഴി സ്വര്‍ണം കടത്തിയ കേസില്‍ മുഖ്യമന്ത്രിയുടെ ഓഫീസിന് പങ്ക് ഇപ്പോഴും കേന്ദ്ര ഏജന്‍സികളുടെ അന്വേഷണപരിധിയില്‍ ആണ്. സിപിഎം കണ്ണൂര്‍ പാര്‍ട്ടി നേതൃത്വത്തില്‍ തുടങ്ങി കരിപ്പൂര്‍ വിമാനത്താവളം വഴി മുഖ്യമന്ത്രിയുടെ ഓഫീസ് വരെ നീളുന്നതാണ് കേരളത്തിലെ സ്വര്‍ണകടത്ത് മാഫിയ ഇടപാടുകള്‍.

റഹീമിനെ പോലുള്ള യുവജന നേതാക്കള്‍ പാര്‍ട്ടി നേതൃത്വത്തില്‍ ഇരിക്കുന്നു എന്നേയുള്ളൂ. ചാനല്‍ ചര്‍ച്ചകളില്‍ പോയിരുന്ന് പാര്‍ട്ടിയെ ന്യായീകരിക്കല്‍ മാത്രമാണ് അവരെ ഏല്‍പ്പിച്ചിട്ടുള്ള പണി. കൊടി സുനിയും അര്‍ജ്ജുന്‍ ആയങ്കിമാരുമാണ് പാര്‍ട്ടിയില്‍ കാര്യങ്ങള്‍ തീരുമാനിക്കുന്നത്. പാര്‍ട്ടിക്ക് സ്വന്തമായി കോടതിയും പോലീസും മാത്രമല്ല, സമാന്തര സാമ്പത്തിക ഇടപാടുകളും കൊട്ടേഷന്‍ സംഘങ്ങളും വരെ ഉണ്ട്.

എത്ര കഴുകിക്കളയാന്‍ ശ്രമിച്ചാലും ചോരപുരണ്ട സിപിഎമ്മിന്റെ സ്വര്‍ണ്ണക്കടത്ത് കഥകള്‍ പുറത്തു വരുക തന്നെ ചെയ്യും. രാഷ്ട്രീയമായും നിയമപരമായും ആ ഉത്തരവാദിത്വം കോണ്‍ഗ്രസ് ഏറ്റെടുക്കുന്നു.

Also Read: സ്വര്‍ണ്ണക്കടത്ത്-കവര്‍ച്ചാ സംഘങ്ങളുമായി എം വി ജയരാജന് ബന്ധം, വിവരം അറിഞ്ഞിട്ടും പൊലീസിനെ അറിയിച്ചില്ല; ഗുരുതര പിഴവെന്ന് കെ സുരേന്ദ്രന്‍

Next Story