Top

കൊടുങ്ങല്ലൂര്‍ സ്വദേശി ഖത്തറില്‍ നിര്യാതനായി

തൃശൂർ ജില്ലാ സൗഹൃദ വേദി കൈപ്പമംഗലം ഏരിയ പ്രവർത്തകനാണ്

1 March 2022 6:20 PM GMT
റിപ്പോർട്ടർ നെറ്റ്‌വർക്ക്

കൊടുങ്ങല്ലൂര്‍ സ്വദേശി ഖത്തറില്‍ നിര്യാതനായി
X

തൃശൂർ കൊടുങ്ങല്ലൂർ എറിയാട്​ സ്വദേശി ഹൃദയാഘാതത്തെ തുടർന്ന് ഖത്തറിൽ നിര്യാതനായി. കറുകപ്പാടത്ത് ഇത്തിക്കണ്ണൻ ചാലിൽ നാസർ (50) അൽ ഖോറിൽ ഡ്രൈവറായി ജോലി ചെയ്ത്​ വരികയായിരുന്നു.

30 വർഷത്തിലേറെയായി ഖത്തറിലുള്ള നാസർ തൃശൂർ ജില്ലാ സൗഹൃദ വേദി കൈപ്പമംഗലം ഏരിയ പ്രവർത്തകനാണ്. രാവിലെ ജോലിക്ക് പോകുന്നതിനായി തയാറെടുക്കുന്നതിനിടെ കുഴഞ്ഞുവീഴുകയായിരുന്നു. ഉടൻ ആശുപത്രിയിലെത്തിച്ചെങ്കിലും മരണം സംഭവിച്ചു. ഭാര്യ: ഷിജി നാസർ. മകൻ: മുഹമ്മദ് ഇർഫാൻ.

മൃതദേഹം നാട്ടിലേക്ക് കൊണ്ടുപോകാനുള്ള നടപടിക്രമങ്ങൾ പൂർത്തിയാക്കുന്നതായി തൃശുർ ജില്ലാ സൗഹൃദ വേദി പ്രവർത്തകർ അറിയിച്ചു. സഹോദരൻ ജലീൽ (സൈൻട്രേഡ്​) ഖത്തറിലുണ്ട്.

STORY HIGHLIGHTS: Kodungallur native dies in Qatar

Next Story