Top

യുകെയില്‍ നഴ്‌സ്; ഫാസ്റ്റ്ട്രാക്ക് റിക്രൂട്ടുമെന്റുമായി നോര്‍ക്ക റൂട്ട്സ്

യുകെ എന്‍എച്ച്എസ് ട്രസ്റ്റുമായി ചേര്‍ന്ന് നടത്തുന്ന റിക്രൂട്ട്മെന്റിന്റെ ഭാഗമായി ആഴ്ചയില്‍ 20 ഓണ്‍ലൈന്‍ അഭിമുഖങ്ങളാണ് ആവിഷ്‌കരിച്ചിരിക്കുന്നത്

16 July 2022 9:06 AM GMT
റിപ്പോർട്ടർ നെറ്റ്‌വർക്ക്

യുകെയില്‍ നഴ്‌സ്; ഫാസ്റ്റ്ട്രാക്ക് റിക്രൂട്ടുമെന്റുമായി നോര്‍ക്ക റൂട്ട്സ്
X

തിരുവനന്തപുരം: ഇന്ത്യയില്‍ നിന്നുള്ള രജിസ്റ്റേര്‍ഡ് നഴ്‌സുമാര്‍ക്ക് മികച്ച അവസരങ്ങള്‍ക്ക് യുകെയിലേക്ക് വഴിയൊരുക്കി നോര്‍ക്ക റൂട്ട്‌സ് ഫാസ്റ്റ്ട്രാക്ക് റിക്രൂട്ട്മെന്റ് നടത്തുന്നു. യുകെ എന്‍എച്ച്എസ് ട്രസ്റ്റുമായി ചേര്‍ന്ന് നടത്തുന്ന റിക്രൂട്ട്മെന്റിന്റെ ഭാഗമായി ആഴ്ചയില്‍ 20 ഓണ്‍ലൈന്‍ അഭിമുഖങ്ങളാണ് ആവിഷ്‌കരിച്ചിരിക്കുന്നത്. റിക്രൂട്ട്മെന്റ് പൂര്‍ണമായും സൗജന്യമാണ്. ബിഎസ്‌സി അഥവാ ജിഎന്‍എം യോഗ്യതയും കുറഞ്ഞത് ഒരു വര്‍ഷത്തെ പ്രവര്‍ത്തി പരിചയവുമുള്ളവര്‍ക്ക് അഭിമുഖത്തില്‍ പങ്കെടുക്കാം. മൂന്ന് വര്‍ഷത്തിനകമുള്ള പ്രവര്‍ത്തി പരിചയമാണ് പരിഗണിക്കുന്നത്.

ഒഇടി/ ഐഇഎല്‍ടിഎസ് എന്നിവയിലേതെങ്കിലും ഒന്നില്‍ നിശ്ചിത സ്‌കോര്‍ ഉണ്ടായിരിക്കണം.

അംഗീകരിക്കപ്പെട്ട സ്‌കോര്‍ : ഐഇഎല്‍ടിഎസ്-ലിസണിംഗ്, റീഡിംഗ്, സ്പീക്കിംഗ് -7 വീതം, റൈറ്റിംഗ്-6.5, ഒ.ഇ.ടിയില്‍ ഓരോ സെക്ഷനും ബി ഗ്രേഡും റൈറ്റിംഗില്‍ സി പ്ലസും.

അഭിമുഖത്തില്‍ വിജയിക്കുന്ന വിദ്യാര്‍ഥികള്‍ യുകെയില്‍ എത്തിയ ശേഷം ഒഎസ്‌സിഇ (ഒബ്ജക്ടീവ് സ്ട്രക്ച്ചറല്‍ ക്ലിനിക്കല്‍ എക്‌സാമിനേഷന്‍) വിജയിക്കേണ്ടതാണ്. ഒഎസ്‌സിഇ വിജയിക്കുന്നതു വരെ 24,882 യൂറോ വാര്‍ഷിക ശമ്പളം ലഭിക്കും. അതിനു ശേഷം 25,655 മുതല്‍ 31,534 യുറോ വരെയാണ് ശമ്പളം. ബയോഡാറ്റ, ലാംഗ്വേജ് ടെസ്റ്റ് റിസള്‍ട്ട്, ഫോട്ടോ, ഡിഗ്രി/ ഡിപ്ലോമ (നഴ്‌സിംഗ്) സര്‍ട്ടിഫിക്കറ്, എക്‌സ്പീരിയന്‍സ് സര്‍ട്ടിഫിക്കറ്റ്, മോട്ടിവേഷന്‍ (കവറിങ്) ലെറ്റര്‍, ട്രാന്‍സ്‌ക്രിപ്ട്, പാസ്‌പോര്ട്ട് കോപ്പി, എന്നിവ സഹിതം www.norkaroots.org എന്ന വെബ്സൈറ്റ് വഴി അപേക്ഷ സമര്‍പ്പിക്കാവുന്നതാണെന്ന നോര്‍ക്ക റൂട്ട്‌സ്് സിഇഒ അറിയിച്ചു.

ഇ-മെയില്‍: [email protected]

സംശയനിവാരണത്തിന് നോര്‍ക്ക റൂട്ട്‌സിന്റെ ടോള്‍ ഫ്രീ നമ്പറില്‍ 18004253939 ഇന്ത്യയില്‍ നിന്നും +91 8802 012345 (മിസ്സ്ഡ് കാള്‍ സര്‍വീസ്) നമ്പറില്‍ വിദേശത്ത് നിന്നും ബന്ധപ്പെടാവുന്നതാണ്.

Story Highlights: uk nurse recruitment through norka roots

Next Story