Top

‘ഈ പേടിത്തൊണ്ടന്മാർ ഇത്രത്തോളം അധഃപതിക്കും.. ഞാനും ഇത് അനുഭവിച്ചതാണ്’; സിദ്ധാർത്ഥിന് പിന്തുണയുമായി പ്രകാശ് രാജ്

ഈ ഭീരുക്കൾ അധഃപതിക്കുമെന്നും എന്നാൽ നിങ്ങൾ ചോദ്യങ്ങൾ ഉന്നയിച്ചുകൊണ്ടേയിരിക്കുമെന്ന് അറിയാമെന്നും പ്രകാശ് രാജ് പറഞ്ഞു.

30 April 2021 8:52 AM GMT
ഫിൽമി റിപ്പോർട്ടർ

‘ഈ പേടിത്തൊണ്ടന്മാർ ഇത്രത്തോളം അധഃപതിക്കും.. ഞാനും ഇത് അനുഭവിച്ചതാണ്’; സിദ്ധാർത്ഥിന് പിന്തുണയുമായി പ്രകാശ് രാജ്
X

ബിജെപി സൈബര്‍ ആക്രമണം നേരിടുന്ന നടന്‍ സിദ്ധാര്‍ഥിന് പിന്തുണയുമായി പ്രകാശ് രാജ്. ഈ ഭീരുക്കൾ അധഃപതിക്കുമെന്നും എന്നാൽ നിങ്ങൾ ചോദ്യങ്ങൾ ഉന്നയിച്ചുകൊണ്ടേയിരിക്കുമെന്ന് അറിയാമെന്നും പ്രകാശ് രാജ് പറഞ്ഞു. ട്വിറ്ററിലൂടെയാണ് പ്രകാശ് രാജ് തന്റെ പിന്തുണ അറിയിച്ചത്.

ഈ ഭീരുക്കൾ ഇത്രത്തോളം അധഃപതിക്കും. ഞാനും ഇത് അനുഭവിച്ചതാണ്. എനിക്ക് അറിയാം നിങ്ങൾ ശക്തനായി തന്നെ നിൽക്കുമെന്നും ചോദ്യങ്ങൾ ഉന്നയിച്ചു കൊണ്ടേയിരിക്കുമെന്നും. ഞങ്ങൾ കൂടുതൽ ശക്തി പകരാൻ നിങ്ങൾക്കൊപ്പമുണ്ട്.

പ്രകാശ് രാജ്

നേരത്തെ തനിക്കെതിരെ ബിജെപി അണികള്‍ വധ ഭീഷണിയും തെറി വിളിയും നടക്കുന്നു എന്ന് സിദ്ധാർഥ് പറഞ്ഞിരുന്നു. തന്റെ ഫോണ്‍ നമ്പര്‍ തമിഴ്‌നാട് ബിജെപി അംഗങ്ങള്‍ ലീക്ക് ചെയ്തതതാണ്. 500ലധികം കോളുകളാണ് വന്നത്. എല്ലാം വധ ഭീഷണിയും, റേപ്പ് ഭീഷണിയും തെറിവിളിയുമാണെന്നാണ് താരം ട്വീറ്റ് ചെയ്തത്.

എല്ലാ നമ്പറുകളും പൊലീസിന് കൈമാറിയിരിക്കുകയാണ്. തനിക്കെതിരെ ഇത്തരം കാര്യങ്ങള്‍ ചെയ്തത് കൊണ്ട് മിണ്ടാതിരിക്കുമെന്ന് കരുതേണ്ട. ഇനിയും വിമര്‍ശനങ്ങള്‍ ഉണ്ടാകുമെന്ന് നരേന്ദ്ര മോദിയേയും അമിത് ഷായേയും ടാഗ് ചെയ്താണ് സിദ്ധാര്‍ഥ് ട്വീറ്റ് ചെയ്തിരിക്കുന്നത്. കൊവിഡ് സാഹചര്യത്തില്‍ കേന്ദ്ര സര്‍ക്കാരിന്റെ അനാസ്ഥയെ ചൂണ്ടിക്കാട്ടി സിദ്ധാര്‍ഥ് നിരവധി വിമര്‍ശനങ്ങളാണ് നടത്തിയിരിക്കുന്നത്.

കൊവിഡ് വാക്സിനേഷനുമായി ബന്ധപ്പെട്ട വിഷയത്തില്‍ മോദി സര്‍ക്കാരിനെ വിമര്‍ശിച്ച് താരം രംഗത്തെത്തിയിരുന്നു. ബിജെപി അധികാരത്തില്‍ നിന്ന് പുറത്താക്കപ്പെടുമ്പോള്‍ മാത്രമേ രാജ്യം പൂര്‍ണ്ണമായും പ്രതിരോധ ശേഷി നേടുകയുള്ളുവെന്നാണ് സിദ്ധാര്‍ഥ് പറഞ്ഞത്. വെസ്റ്റ് ബംഗാളില്‍ ബിജെപി സര്‍ക്കാര്‍ അധികാരത്തിലേറിയാല്‍ എല്ലാവര്‍ക്കും സൗജന്യമായി വാക്സിന്‍ നല്‍കുമെന്ന ബിജെപി ബംഗാളിന്റെ പോസ്റ്റ് പങ്കുവെച്ചുകൊണ്ടായിരുന്നു ട്വീറ്റ്.

Next Story