Top

കടുപ്പിച്ച് സുധീരന്‍; എഐസിസി അംഗത്വവും രാജിവച്ചു

27 Sep 2021 4:10 AM GMT
റിപ്പോർട്ടർ നെറ്റ്‌വർക്ക്

കടുപ്പിച്ച് സുധീരന്‍; എഐസിസി അംഗത്വവും രാജിവച്ചു
X

രാജി നീക്കത്തില്‍ അനുനയ നീക്കങ്ങള്‍ പുരോഗമിക്കുമ്പോള്‍ നിലപാട് കടുപ്പിച്ച് വി എം സുധീരന്‍. കെപിസിസി രാഷ്ട്ട്രീയ കാര്യ സമിതിയില്‍ നിന്നും രാജി വച്ചതിന് പിന്നാലെ വിഎം സുധീരന്‍ എഐസിസി അംഗത്വം രാജിവച്ചു.

രാജിക്കത്ത് കോണ്‍ഗ്രസ് അധ്യക്ഷ സോണിയ ഗാന്ധിക്ക് അയച്ചതായാണ് വിവരം. അനുനയ നീക്കങ്ങളുടെ ഭാഗമായി ഹൈക്കമാന്‍ഡ് പ്രതിനിധി താരിഖ് അന്‍വര്‍ ഇന്ന് സുധീരനുമായി കൂടിക്കാഴ്ച നടത്താനിരിക്കെയാണ് പുതിയ നീക്കം. നേതൃത്വത്തിന് എതിരെ പ്രതിഷേധിച്ചാണ് രാജി. ഹൈക്കമാന്‍ഡ് ഇടപെടലുകള്‍ കാര്യക്ഷമല്ലെന്നും സുധീരന്‍ കുറ്റപ്പെടുത്തുന്നു.

കെപിസിസി രാഷ്ട്രീയകാര്യ സമിതി യില്‍ നിന്നും രാജിവെച്ച വി.എം സുധീരനെ അനുനയിപ്പിക്കാനുള്ള ശ്രമം തുടരാനായിരുന്നു ഹൈക്കമാന്‍ഡ് നിര്‍ദേശം. ഇതിന്റെ അടിസ്ഥാനത്തില്‍ ഇന്ന് എഐസിസി ജനറല്‍ സെക്രട്ടറി താരിഖ് അന്‍വര്‍ സുധീരനെ സന്ദര്‍ശിച്ചേക്കുമെന്നും റിപ്പോര്‍ട്ടുകള്‍ ഉണ്ടായിരുന്നു. എന്നാല്‍ താരിഖ് അന്‍വറിന്റെ ഇടപെടല്‍ നിലവിലെ കേരളത്തിലെ നേതൃത്വത്തിന്റെ നിര്‍ദേശത്തിന് അപ്പുറത്തേയ്ക്ക് പോവുന്നില്ല എന്ന ആക്ഷേപം നിലനില്‍ക്കെ സുധീരന്‍ മുന്‍കൂട്ടി പ്രതിരോധിക്കുകയാണ് എന്നും വിലയിരുത്തപ്പെടുന്നു.

Next Story

Popular Stories