Top

സ്‌റ്റൈപെന്‍ഡ് വര്‍ധന സജീവ പരിഗണനയില്‍, ജോലിഭാരം കുറയ്ക്കാന്‍ പദ്ധതി; പിജി ഡോക്ടര്‍മാരുമായുള്ള മന്ത്രിയുടെ ചര്‍ച്ച വിജയകരം

11 Aug 2021 1:43 AM GMT
റിപ്പോർട്ടർ നെറ്റ്‌വർക്ക്

സ്‌റ്റൈപെന്‍ഡ് വര്‍ധന സജീവ പരിഗണനയില്‍, ജോലിഭാരം കുറയ്ക്കാന്‍ പദ്ധതി; പിജി ഡോക്ടര്‍മാരുമായുള്ള മന്ത്രിയുടെ ചര്‍ച്ച വിജയകരം
X

ജോലിഭാരം കൂടുന്നു എന്നുള്‍പ്പെടെയുള്ള ആക്ഷേപങ്ങളുന്നയിച്ച് പ്രതിഷേധിക്കാനൊരുങ്ങിയ പിജി ഡോക്ടര്‍മാരുമായി ആരോഗ്യ മന്ത്രി നടത്തിയ ചര്‍ച്ച വിജയകരം. പിജി ഡോക്ടര്‍മാര്‍ ഉന്നയിച്ച പ്രശ്‌നങ്ങളില്‍ അനുകൂല നിലപാട് സ്വീകരിക്കുമെന്ന് സംഘടനാ പ്രതിനിധികളെ അറിയിച്ചതായി ആരോഗ്യ മന്ത്രി അറിയിച്ചു. ജോലിഭാരം കൂടുന്നുവെന്ന പരാതി പരിഹരിക്കുന്നതിന് പിജി വിദ്യാര്‍ത്ഥികളുടെ വിദ്യാഭ്യാസത്തെ ബാധിക്കാത്ത രീതിയിലുള്ള പദ്ധതി തയ്യാറാക്കുമെന്ന് ചര്‍ച്ചകള്‍ക്ക് ശേഷം ആരോഗ്യമന്ത്രി പത്രക്കുറിപ്പില്‍ അറിയിച്ചു.

പിജി വിദ്യാര്‍ത്ഥികളുടെ സ്‌റ്റൈപെന്‍ഡ് വര്‍ധിപ്പിക്കുന്ന കാര്യം സര്‍ക്കാരിന്റെ സജീവ പരിഗണനയിലാണെന്നും ആരോഗ്യമന്ത്രി വ്യക്തമാക്കുന്നു. ഇക്കാര്യത്തില്‍ ധനകാര്യ വകുപ്പ് മന്ത്രിയുമായി ആലോചിച്ച് ഇതില്‍ തീരുമാനമെടുക്കുന്നതാണ്. ഹൗസ് സര്‍ജന്‍മാരുടെ റിസള്‍ട്ട് എത്രയും വേഗം പുറത്ത് വരാനും ശ്രമിക്കുന്നതാണെന്നും മന്ത്രി അറിയിച്ചു.

മെഡിക്കല്‍ വിദ്യാഭ്യാസത്തിനും സര്‍ക്കാര്‍ വളരെ പ്രാധാന്യം നല്‍കുന്നു. മെഡിക്കല്‍ കോളേജുകളില്‍ നോണ്‍ കോവിഡ് ചികിത്സ ശക്തിപ്പെടുത്തി മുന്നോട്ട് പോവുകയാണ്. മെഡിക്കല്‍ കോളേജുകളുടെ അധികഭാരം കുറയ്ക്കുന്നതിനായി ജില്ലാ, ജനറല്‍ ആശുപത്രികളെ ശക്തിപ്പെടുത്താന്‍ തീരുമാനിച്ചിരുന്നു. മെഡിക്കല്‍ കോളേജുകളുടെ ഭാരം കുറയ്ക്കാനായി ദ്വിതീയ തലത്തിലെ പെരിഫെറല്‍ ആശുപത്രികളിലുള്ള ഐ.സി.യു. ഉള്‍പ്പെടെയുള്ള സംവിധാനങ്ങള്‍ ശക്തിപ്പെടുത്തുന്നതാണ്. ഈ ഐ.സി.യു.കളെ മെഡിക്കല്‍ കോളേജുകളുമായി ഓണ്‍ലൈനായി ബന്ധിപ്പിക്കുന്നതാണ്. ഇതിലൂടെ ജില്ലാ, ജനറല്‍ ആശുപത്രികളിലെ ഐ.സി.യു. രോഗികളുടെ ചികിത്സയില്‍ മെഡിക്കല്‍ കോളേജിലെ ഡോക്ടര്‍മാര്‍ക്ക് കൂടി ഇടപെട്ട് തീരുമാനമെടുക്കാന്‍ സാധിക്കും.

പിജി വിദ്യാര്‍ത്ഥികളുടെ സ്‌റ്റൈപെന്‍ഡ് വര്‍ധിപ്പിക്കുന്ന കാര്യം സര്‍ക്കാരിന്റെ സജീവ പരിഗണനയിലാണ്. ധനകാര്യ വകുപ്പ് മന്ത്രിയുമായി ആലോചിച്ച് ഇതില്‍ തീരുമാനമെടുക്കുന്നതാണ്. ഹൗസ് സര്‍ജന്‍മാരുടെ റിസള്‍ട്ട് എത്രയും വേഗം പുറത്ത് വരാനും ശ്രമിക്കുന്നതാണെന്നും മന്ത്രി അറിയിച്ചു. ആരോഗ്യ വകുപ്പ് സെക്രട്ടറി ഡോ. രാജന്‍ എന്‍. ഖോബ്രഗഡെ, മെഡിക്കല്‍ വിദ്യാഭ്യാസ ജോ. ഡയറക്ടര്‍ ഡോ. തോമസ് മാത്യു, മെഡിക്കല്‍ കോളേജ് പ്രിന്‍സിപ്പല്‍ ഡോ. സാറ വര്‍ഗീസ്, പി.ജി. ഡോക്ടര്‍മാരുടെ സംഘടനാ പ്രതിനിധികള്‍ എന്നിവര്‍ ചര്‍ച്ചയില്‍ പങ്കെടുത്തു.

Next Story