Top

ഗാര്‍ഹിക പീഡനത്തില്‍ മനംനൊന്ത് യുവതി ജീവനൊടുക്കി; ഓഡിയോ സന്ദേശം പുറത്ത്

ഒന്നരവര്‍ഷം മുമ്പായിരുന്നു വിവാഹം

31 Aug 2021 10:16 AM GMT
റിപ്പോർട്ടർ നെറ്റ്‌വർക്ക്

ഗാര്‍ഹിക പീഡനത്തില്‍ മനംനൊന്ത്  യുവതി ജീവനൊടുക്കി; ഓഡിയോ സന്ദേശം പുറത്ത്
X

കണ്ണൂരില്‍ ഗാര്‍ഹിക പീഡനത്തില്‍ മനംനൊന്ത്യുവതി ജീവനൊടുക്കിയതായി പരാതി. പയ്യന്നൂര്‍ കോറോം സ്വദേശി സുനീഷ (26)യാണ് ഭര്‍ത്താവിന്റെ വീട്ടില്‍ തൂങ്ങി മരിച്ചത്.

ഭര്‍ത്താവ് വിജീഷില്‍ നിന്നുംമര്‍ദനം നേരിട്ടു എന്ന് വ്യക്തമാകുന്ന ഓഡിയോ പുറത്ത് വന്നിട്ടുണ്ട്. ഭര്‍ത്താവിന്റെ മാതാപിതാക്കള്‍ മര്‍ദ്ദിക്കാറുണ്ടായിരുന്നെന്നും സുനീഷയുടെ ശബ്ദസന്ദേശത്തില്‍ പറയുന്നു. തന്നെ കൂട്ടികൊണ്ടു പോയില്ലെങ്കില്‍ ജീവനോടെ ഉണ്ടാകില്ലെന്ന് സുനീഷ അനുജനോട് പറയുന്നതും ശബ്ദരേഖയില്‍ ഉണ്ട്.

ഗാര്‍ഹിക പീഡനത്തെ സംബന്ധിച്ച് സുനീഷ ഒരാഴ്ച മുമ്പ് പയ്യന്നൂര്‍ പൊലീസില്‍ പരാതി നല്‍കിയിരുന്നു. എന്നാല്‍ പൊലീസ് കേസെടുത്തില്ലെന്നും ആരോപണമുണ്ട്. കേസെടുക്കാതെ പയ്യന്നൂര്‍ പൊലീസ് ഇരു കുടുംബക്കാരെയും വിളിച്ച് ഒത്തുതീര്‍പ്പാക്കി വിടുകയായിരുന്നു.

ഒന്നരവര്‍ഷം മുമ്പായിരുന്നു സുനീഷയുടേയും വിജീഷിന്റേയും വിവാഹം.

Next Story