Top

കണ്ണൂർ സിപിഐഎമ്മിൽ തർക്കം? ജില്ലാ നേതൃയോഗങ്ങളിൽ കോടിയേരി പങ്കെടുത്തേക്കും, മുഖ്യ അജണ്ട പാർട്ടി കോൺ​ഗ്രസ്

23 Aug 2021 3:05 AM GMT
റിപ്പോർട്ടർ നെറ്റ്‌വർക്ക്

കണ്ണൂർ സിപിഐഎമ്മിൽ തർക്കം? ജില്ലാ നേതൃയോഗങ്ങളിൽ കോടിയേരി പങ്കെടുത്തേക്കും, മുഖ്യ അജണ്ട പാർട്ടി കോൺ​ഗ്രസ്
X

കണ്ണൂർ: സിപിഐഎം കണ്ണൂർ ജില്ലാ നേതൃയോഗങ്ങൾ ഇന്നും നാളെയുമായി നടക്കും. ഇന്ന് ജില്ലാ സെക്രട്ടറിയറ്റും നാളെ ജില്ലാ കമ്മിറ്റിയും ആണ് ചേരുക. യോഗത്തിൽ കോടിയേരി ബാലകൃഷ്ണൻ പങ്കെടുത്തേക്കും. പാർട്ടി കോൺ​ഗ്രസാണ് മുഖ്യ അജണ്ട. അതേസമയം പാർട്ടിക്കുള്ളിൽ രൂപപ്പെട്ടിരിക്കുന്ന തർക്കങ്ങൾ യോ​ഗത്തിൽ ചർച്ചയാവും. നേരത്തെ പി. ജയരാജനും കെപി സഹദേവനും അച്ചടക്കം പാലിക്കണമെന്ന് പാർട്ടി സംസ്ഥാന നേതൃത്വം താക്കീത് നൽകിയിരുന്നു.

പാർട്ടി കോൺ​ഗ്രസിന് മുന്നോടിയായി ഇത്തരം പ്രശ്നങ്ങൾ പൂർണമായും പരി​ഹരിക്കാനാണ് കണ്ണൂർ നേതൃത്വത്തിന്റെ തീരുമാനം. ചർച്ചകൾക്ക് പിബി അം​ഗം കോടിയേരി ബാലകൃഷ്ണൻ നേരിട്ടെത്തുന്നതിന് പിന്നിലും തർക്ക പരിഹാരമാണെന്നാണ് സൂചന. ഇ.പി ജയരാജൻ ഉൾപ്പെടെയുള്ള നേതാക്കൾ ചർച്ചയിൽ പങ്കെടുക്കും. പാർട്ടി കോൺ​ഗ്രസുമായി ബന്ധപ്പെട്ട നിർണായക തീരുമാനങ്ങൾ എടുക്കുകയും കോടിയേരിയുടെ നേതൃത്വത്തിലായിരിക്കും.

Next Story