രണ്ട് ഡോസ് വാക്സിനും സ്വീകരിച്ച എംപിക്ക് കൊവിഡ്; ഇന്നലെ വരെ പാർലമെന്റ്‌ സമ്മേളനത്തിൽ പങ്കെടുത്തു

ന്യൂഡൽഹി: ബി.എസ്.പി. എം.പി. ഡാനിഷ് അലിക്ക് കോവിഡ് 19 സ്ഥിരീകരിച്ചു. രണ്ട് ഡോസ് വാക്സിനും സ്വീകരിച്ച തനിക്ക് കൊവിഡ് സ്ഥിരീകരിച്ച വാർത്ത അ​ദ്ദേഹം തന്നെയാണ് ട്വിറ്ററിലൂടെ അറിയിച്ചിരിക്കുന്നത്. താനുമായി സമ്പർക്കത്തിലേർപ്പെട്ട എല്ലാവരും ഐസലോഷനിൽ കഴിയണമെന്ന് എംപി അഭ്യർത്ഥിച്ചു.

'കഴിഞ്ഞ ദിവസം പാർലമെന്റ് സമ്മേളനത്തിൽ പങ്കെടുത്തിരുന്നു. രണ്ട് ഡോസും സ്വീകരിച്ചിട്ടും കൊവിഡ്-19 പിടിപെട്ടു. ഞാനുമായി സമ്പർക്കത്തിലേർപ്പെട്ടവർ എത്രയും വേ​ഗം പരിശോധന നടത്തി ഐസലോഷനിൽ പോകണം. നിലവിൽ ചെറിയ രോ​ഗ ലക്ഷണങ്ങൾ മാത്രമാണുള്ളത്. വേ​ഗം രോ​ഗമുക്തി നേടാനാവുമെന്നാണ് പ്രതീക്ഷിക്കുന്നത്.' എം.പി. ഡാനിഷ് അലി ട്വീറ്റ് ചെയ്തു.