Top

വീട്ടില്‍ അതിക്രമിച്ച് കയറി നടിയെ പീഡിപ്പിച്ച് സ്വര്‍ണവും പണവും കവര്‍ന്നു; രണ്ട് പേര്‍ അറസ്റ്റില്‍

ഇവര്‍ക്കെതിരെ അഞ്ച് വകുപ്പുകളില്‍ കേസ് രജിസ്റ്റര്‍ ചെയ്തു

11 March 2022 11:10 AM GMT
ഫിൽമി റിപ്പോർട്ടർ

വീട്ടില്‍ അതിക്രമിച്ച് കയറി നടിയെ പീഡിപ്പിച്ച് സ്വര്‍ണവും പണവും കവര്‍ന്നു; രണ്ട് പേര്‍ അറസ്റ്റില്‍
X

ചെന്നൈ; വീട്ടില്‍ അതിക്രമിച്ച കയറി സ്വര്‍ണവും പണവും കൊള്ളയടിക്കുകയും നടിയെ ലൈംഗികമായി പീഡിപ്പിക്കുകയും ചെയ്ത സംഭവത്തില്‍ രണ്ട് പേര്‍ അറസ്റ്റില്‍. മധുരവോയല്‍ സ്വദേശി സെല്‍വകുമാര്‍(21), രാമപുരം സ്വദേശി കണ്ണദാസന്‍(37) എന്നിവരാണ് അറസ്റ്റിലായത്.

വല്‍സരവാക്കത്ത് തനിച്ച് താമസിക്കുന്ന 38 കാരിയായ നടിക്ക് നേരയാണ് അക്രമം നടന്നത്. വനിതാ ദിനത്തില്‍ രാത്രി പത്തരയോടെയാണ് സംഭവം. വീട്ടില്‍ അതിക്രമിച്ച് കയറിയ ഇവര്‍ കത്തിചൂണ്ടി ഭീഷണിപ്പെടുത്തി 50000 രൂപയും ഒന്നരപ്പവന്റെ സ്വര്‍ണമാലയും കവര്‍ന്ന് നടിയെ ലൈംഗീകമായി പീഡിപ്പിക്കുകയുമായിരുന്നു.

സംഭവത്തില്‍ നടി പൊലീസില്‍ പരാതി നല്‍കിയിരുന്നു. സിസിടിവി കേന്ദ്രീകരിച്ച് നടത്തിയ അന്വേഷണത്തിലാണ് പ്രതികള്‍ പിടിയിലായത്. ഇവരില്‍ നിന്നും മൂന്ന് ഫോണും സ്വര്‍ണവും ഇരുചക്രവാഹനങ്ങളും പിടിച്ചെടുത്തു. ഇവര്‍ക്കെതിരെ അഞ്ച് വകുപ്പുകളില്‍ കേസ് രജിസ്റ്റര്‍ ചെയ്ത് ജുഡീഷ്യല്‍ കസ്റ്റഡിയില്‍ റിമാന്‍ഡ് ചെയ്തു.

Story Highlights; actress attack in chennai intruders molested actress and robbed arrested police

Next Story