Top

പകയുമായി ഫഹദിന്റെ നോട്ടം; 'വില്ലന് പിറന്നാൾ ആശംസകളുമായി പുഷ്പ ടീം'; പുതിയ പോസ്റ്റർ

രണ്ട് ഭാഗങ്ങളായി ഒരുങ്ങുന്ന പുഷ്പയുടെ ആദ്യ ഭാഗം ഈ വര്‍ഷം അവസാനത്തോടെ റിലീസ് ചെയ്യുന്നതായിരിക്കും.

8 Aug 2021 9:19 AM GMT
ഫിൽമി റിപ്പോർട്ടർ

പകയുമായി ഫഹദിന്റെ നോട്ടം; വില്ലന് പിറന്നാൾ ആശംസകളുമായി പുഷ്പ ടീം; പുതിയ പോസ്റ്റർ
X


മലയാളത്തിന്റെ പ്രിയനടൻ ഫഹദ് ഫാസിലിന്റെ പിറന്നാൾ ദിനമാണ് ഇന്ന്. ഈ പിറന്നാൾ ദിനത്തിൽ ഫഹദിന്റെ പോസ്റ്ററുമായി ടീം പുഷ്പ. ചിത്രത്തിന്റെ നിർമ്മാതാക്കളായ മൈത്രി മൂവി മേക്കേഴ്‌സ് ആണ് പോസ്റ്റർ റിലീസ് ചെയ്തത്. സംവിധായകൻ സുകുമാർ ഉൾപ്പടെ ഉള്ളവർ പോസ്റ്റർ സമൂഹ മാധ്യമങ്ങളിലൂടെ പങ്കുവെച്ചിട്ടുണ്ട്.
'ടീം പുഷ്പ അതിന്റെ വില്ലൻ, ഏറ്റവും കഴിവുറ്റ ഫഹദ് ഫാസിലിന് ജന്മദിനാശംസകൾ നേരുന്നു' എന്ന കുറിപ്പോടെയാണ് പോസ്റ്റർ പങ്കുവെച്ചിരിക്കുന്നത്.
രണ്ട് ഭാഗങ്ങളായി ഒരുങ്ങുന്ന പുഷ്പയുടെ ആദ്യ ഭാഗം ഈ വര്‍ഷം അവസാനത്തോടെ റിലീസ് ചെയ്യുന്നതായിരിക്കും. ചിത്രത്തിന്റെ രണ്ടാം ഭാഗത്തിന്റെ പേര് ഇതുവരെ തീരുമാനിച്ചിട്ടില്ല.
തെലുങ്കിനോടൊപ്പം തമിഴ്, ഹിന്ദി, കന്നഡ, മലയാളം എന്നീ ഭാഷകളിലും ചിത്രം റിലീസ് ചെയ്യും. രശ്മിക മന്ദാന, ധനഞ്ജയ്, സുനില്‍, അജയ് ഘോഷ് എന്നിവരാണ് ചിത്രത്തില്‍ മറ്റു പ്രധാന കഥാപാത്രങ്ങളെ അവതരിപ്പിക്കുന്നത്. മുറ്റംസെട്ടി മീഡിയയുമായി ചേര്‍ന്ന് മൈത്രി മൂവി മേക്കേഴ്‌സ് ആണ് ചിത്രം നിര്‍മ്മിച്ചിരിക്കുന്നത്.
മലയാളിയായ ഓസ്‌ക്കാര്‍ പുരസ്‌ക്കാര ജേതാവ് റസൂല്‍ പൂക്കുട്ടിയാണ് ചിത്രത്തിന്റെ ശബ്ദമിശ്രണം. ദേവി ശ്രീ പ്രസാദ് ആണ് സംഗീതം. മിറോസ്ല കുബ ബ്രോസെക് ആണ് ചിത്രത്തിന്റെ ക്യാമറ, എഡിറ്റിംഗ് കാര്‍ത്തിക ശ്രീനിവാസ്, പീറ്റര്‍ ഹെയ്നും രാം ലക്ഷമണുമാണ് ചിത്രത്തിന്റെ ഫൈറ്റ് മാസ്റ്റേഴ്സ്. മേക്കപ്പ് നാനി ഭാരതി, കോസ്റ്റ്യൂം ദീപലി നൂര്‍, സഹസംവിധാനം വിഷ്ണു. പി.ആര്‍.ഒ ആതിര ദില്‍ജിത്ത്.


Next Story