Top

'കോബ്ര' എത്താന്‍ വൈകും; പുതിയ റിലീസ് തിയതി സെന്‍സറിങ് പൂര്‍ത്തിയായ ശേഷം

ആഗസ്റ്റ് 11നായിരുന്നു സിനിമയുടെ റിലീസ് പ്രഖ്യാപിച്ചിരുന്നത്

2 Aug 2022 2:31 AM GMT
ഫിൽമി റിപ്പോർട്ടർ

കോബ്ര എത്താന്‍ വൈകും; പുതിയ റിലീസ് തിയതി സെന്‍സറിങ് പൂര്‍ത്തിയായ ശേഷം
X

വിക്രം കേന്ദ്ര കഥാപാത്രമായി എത്തുന്ന ചിത്രം 'കോബ്ര' റിലീസ് നീട്ടി. പോസ്റ്റ് പ്രൊഡക്ഷന്‍ ജോലികള്‍ പുരോഗമിക്കുന്ന ചിത്രത്തിന്റെ പുതിയ റിലീസ് തിയതി സെന്‍സറിങ് പൂര്‍ത്തിയായ ശേഷമായിരിക്കും അറിയിക്കുക. സിനിമ ആഗസ്റ്റ് 31ന് പ്രദര്‍ശനത്തിന് എത്തിയേക്കുമെന്ന് പ്രമുഖ ട്രേഡ് അനലിസ്റ്റ് ശ്രീധര്‍ പിള്ള അറിയിച്ചു. ആഗസ്റ്റ് 11നായിരുന്നു സിനിമയുടെ റിലീസ് പ്രഖ്യാപിച്ചിരുന്നത്.

ആര്‍ അജയ് ജ്ഞാനമുത്തുവാണ് ചിത്രം സംവിധാനം ചെയ്യുന്നത്. 'ഡിമോന്റി കോളനി', 'ഇമൈക്ക നൊടികള്‍' എന്നീ സിനിമകള്‍ക്ക് ശേഷം അദ്ദേഹം ഒരുക്കുന്ന ചിത്രമാണ് കോബ്ര. 'കെജിഎഫി'ലൂടെ ശ്രദ്ധേയായ നടി ശ്രീനിധി ഷെട്ടിയാണ് ചിത്രത്തിലെ നായിക. ഇന്ത്യന്‍ ക്രിക്കറ്റ് താരമായ ഇര്‍ഫാന്‍ പത്താനും സിനിമയില്‍ പ്രധാന കഥാപാത്രത്തെ അവതരിപ്പിക്കുന്നുണ്ട്.

എ ആര്‍ റഹ്മാനാണ് ചിത്രത്തിനായി സംഗീതം നിര്‍വഹിക്കുന്നത്. മൃണാളിനി, പദ്മപ്രിയ, മാമുക്കോയ, മിയ, റോഷന്‍ മാത്യൂസ്, ഹരീഷ് പേരടി തുടങ്ങിയ വന്‍താരനിര ചിത്രത്തിന്റെ ഭാഗമാകുന്നുണ്ട്. ബാബു ആന്റിണിയും ചിത്രത്തിലെ പ്രധാനമായ ഒരു വേഷത്തില്‍ എത്തുന്നു. സെവന്‍ സ്‌ക്രീന്‍ സ്റ്റുഡിയോസിന്റെ ബാനറില്‍ എസ് എസ് ലളിത് കുമാറാണ് ചിത്രം നിര്‍മ്മിക്കുന്നത്. ഹരീഷ് കണ്ണനാണ് ഛായാഗ്രഹണം. ഭുവന്‍ ശ്രീനിവാസന്‍ എഡിറ്റിങ്ങ്.

Next Story