Top

തമിഴ് നാട്ടില്‍ തീയേറ്ററുകളെ നിറച്ച് 'അണ്ണാത്തെ'; 225 കോടി ക്ലബ്ബില്‍

ആദ്യം ദിനം 70 കോടി കളക്ഷനാണ് ചിത്രം നേടിയത്

16 Nov 2021 11:16 AM GMT
ഫിൽമി റിപ്പോർട്ടർ

തമിഴ് നാട്ടില്‍ തീയേറ്ററുകളെ നിറച്ച് അണ്ണാത്തെ; 225 കോടി ക്ലബ്ബില്‍
X

ഒരിടവേളക്ക് ശേഷം തമിഴ്‌നാട്ടില്‍ തീയേറ്റര്‍ തുറന്നപ്പോള്‍ റിലീസായ രജനികാന്ത് ചിത്രം 'അണ്ണാത്തെ' 12 ദിവസംകൊണ്ട് 225 കോടി ബോക് ഓഫീസില്‍ ഇടം നേടി. ട്രേഡ് അനലിസ്റ്റ് മനോബാല വിജയബാലനാണ് ഇക്കാര്യം സാമൂഹ മാധ്യമങ്ങളിലൂടെ അറിയിച്ചത്. ആദ്യം ദിനം 70 കോടി കളക്ഷനാണ് ചിത്രം നേടിയത്. രണ്ട് ദിവസംകൊണ്ട് 112 കോടി രൂപയും ചിത്രം നേടിയിരുന്നു.

കോവിഡ് രണ്ടാം തരംഗത്തിന് ശേഷം തീയേറ്റര്‍ തുറന്നപ്പോള്‍ ആദ്യം റിലീസായ ബിഗ് ബജറ്റ് ചിത്രമാണ് അണ്ണാത്തെ. അടുത്തിടെയാണ് തമിഴ്‌നാട് തീയേറ്ററുകളില്‍ പൂര്‍ണമായും ആളെ പ്രവേശിപ്പിക്കാന്‍ ആരംഭിച്ചത്. തമിഴ്‌നാട്ടില്‍ മാത്രം 1500 സ്‌ക്രീനുകളിലും മറ്റ് സംസ്ഥാനങ്ങളിലും വിദേശ രാജ്യങ്ങളിലുമായി 1100 സ്‌ക്രീനുകളിലും പ്രദര്‍ശനമുണ്ട്. കേരളത്തില്‍ നിന്നും മികച്ച പ്രതികരണമാണ് സിനിമക്ക് ലഭിക്കുന്നത്.

സാഹോദര്യ ബന്ധത്തിന്റെ കഥ പറയുന്ന ചിത്രത്തില്‍ കാളിയന്‍ എന്ന കഥാപാത്രത്തെയാണ് രജനി അവതരിപ്പിക്കുന്നത്. കാളിയന്റെ സഹോദരി തങ്ക മീനാക്ഷിയായി എത്തുന്നത് കീര്‍ത്തി സുരേഷാണ്. സിരുത്തെ ശിവമാണ് ചിത്രത്തിന്റെ സംവിധാനം നിര്‍വഹിച്ചിരിക്കുന്നത്. സണ്‍ പിക്‌ചേഴ്‌സാണ് നിര്‍മ്മിക്കുന്ന ചിത്രത്തില്‍ ഖുഷ്ബു, മീന, നയന്‍താര, സൂരി എന്നിവരും പ്രധാന വേഷങ്ങളില്‍ എത്തുന്നുണ്ട്. ദര്‍ബാറിന് ശേഷം നയന്‍താര രജനിയുടെ നായികയായി എത്തുന്ന ചിത്രം കൂടിയാണിത്.


Next Story