Top

'വയസ് 50 ആയി, ഇനിയെല്ലാം ഒന്നില്‍നിന്ന് പഠിച്ച് തിരിച്ചുവരണം'; മനസുതുറന്ന് കനക

ഒരുഘട്ടത്തില്‍ ക്യാന്‍സര്‍ബാധിതയായ കനിക മരിച്ചു എന്നുവരെ സാമൂഹിക മാധ്യങ്ങളലില്‍ വ്യാജ വാര്‍ത്ത പടര്‍ന്നിരുന്നു

3 Sep 2021 9:07 AM GMT
റിപ്പോർട്ടർ നെറ്റ്‌വർക്ക്

വയസ് 50 ആയി, ഇനിയെല്ലാം ഒന്നില്‍നിന്ന് പഠിച്ച് തിരിച്ചുവരണം; മനസുതുറന്ന് കനക
X

അഭിനയരംഗത്തേക്ക് മടങ്ങിയെത്താന്‍ ആഗ്രഹം പ്രകടിപ്പിച്ച് തെന്നിന്ത്യന്‍ നടി കനക പങ്കുവച്ച വീഡിയോ ആണ് വൈറലാവുന്നു. രണ്ട് പതിറ്റാണ്ടുകാലം സിനിമാമേഖലയില്‍ നിന്നും അകന്നുനിന്ന ശേഷമാണ് തിരിച്ചുവരവിനെക്കുറിച്ച് താരം മനസുതുറക്കുന്നത്.

മലയാളത്തില്‍ മമ്മൂട്ടി, മോഹന്‍ലാല്‍, മുകേഷ് തുടങ്ങി പ്രമുഖരോടൊപ്പം സൂപ്പര്‍ഹിറ്റ് ചിത്രങ്ങളിലഭിനയിച്ചിട്ടുള്ള താരം ഗോഡ്ഫാദര്‍, വിയറ്റ്‌നാം കോളനി തുടങ്ങിയ ചിത്രങ്ങളിലൂടെയാണ് മലയാളി പ്രേക്ഷകരുടെ ശ്രദ്ധപിടിച്ചുപറ്റിയത്. ഇക്കാലത്ത് തമിഴിലും സജീവമായിരുന്നു താരം പെട്ടെന്നാണ് വെള്ളിത്തിര വിട്ടത്. 2000-ല്‍ പുറത്തുവന്ന കെകെ ഹരിദാസിന്റെ ഈ മഴ തേന്‍മഴയായിരുന്നു ഒടുവില്‍ അഭിനയിച്ച ചിത്രം.

സിനിമാരംഗത്തുനിന്ന് പിന്മാറിയതിനുശേഷവും കനകയെ സംബന്ധിച്ച നിരവധി വാര്‍ത്തകള്‍ സാമൂഹിക മാധ്യമങ്ങളില്‍ പ്രചരിച്ചിരുന്നു. കനകയും അച്ഛനും തമ്മിലുള്ള സ്വത്ത് തര്‍ക്കമായിരുന്നു വിവാദങ്ങളിലൊന്ന്. അച്ഛന്‍ തന്നെ മനോരോഗിയായി ചിത്രീകരിക്കുന്നുവെന്നും തന്നില്‍ നിന്ന് അമ്മയെ അകറ്റാന്‍ ശ്രമിക്കുന്നുവെന്നും തുറന്നടിച്ച് കനക തന്നെ രംഗത്തെത്തിയതോടെ താരം വീണ്ടും മലയാളികള്‍ക്കിടയില്‍ ചര്‍ച്ചയായി. ഒരുഘട്ടത്തില്‍ ക്യാന്‍സര്‍ബാധിതയായ കനിക മരിച്ചു എന്നുവരെ സാമൂഹിക മാധ്യങ്ങളലില്‍ വ്യാജ വാര്‍ത്ത പടര്‍ന്നിരുന്നു. അത്തരം അഭ്യൂഹങ്ങള്‍ക്കെല്ലാം മറുപടിയുമായാണ് തന്റെ 50-ാം വയസില്‍ അഭിനയ രംഗത്തേക്ക് തിരിച്ചെത്തണമെന്ന പ്രത്യാശ പങ്കുവയ്ക്കുന്നത്. ഇക്കാലത്തെ രീതികള്‍ പഠിച്ചെടുക്കാന്‍ പഴഞ്ചനായ താന്‍ ബുദ്ധിമുട്ടുമെങ്കിലും ആഗ്രഹമുള്ളിടത്തോളം കാലം ഒന്നും അസാധ്യമല്ലെന്നതാണ് കനകയുടെ ആത്മവിശ്വാസം.

കനകയുടെ വാക്കുകള്‍
'ഞാന്‍ അഭിനയ രംഗത്തെത്തിയിട്ട് ഇപ്പോള്‍ 30,32 വര്‍ഷത്തിലേറെയായി. എനിക്കിപ്പോള്‍ 50 വയസ്സിനടുത്തായി. എന്നെ സംബന്ധിക്കുന്നതെല്ലാം പഴയതായിക്കഴിഞ്ഞു. ഒരു പത്തുവര്‍ഷത്തിനുള്ളില്‍ സംഭവിച്ചതിനെ മാത്രമേ പുതിയതെന്ന് പറയാന്‍ കഴിയൂ. മേക്കപ്പ്, ഹെയര്‍സ്‌റ്റൈല്‍, ഡ്രസിങ്, ചെരുപ്പ്, ആഭരണങ്ങള്‍ എന്നുതുടങ്ങി സംസാരിക്കുന്നത്, ചിരിക്കുന്നത് എല്ലാം തന്നെ ഒരുപാട് മാറി. എല്ലാം പുതിയതായി പഠിക്കേണ്ടിയിരിക്കുന്നു. ഞാന്‍ പണ്ട് ചെയ്തിരുന്നതുപോലെ ഇപ്പോള്‍ ചെയ്താല്‍ അത് പഴഞ്ചനാണെന്ന് പുതിയ തലമുറ പറയും. ഇതിനിടെ വ്യക്തിപരമായ ചില കാര്യങ്ങള്‍കൊണ്ട് ഞാന്‍ ഒരു സിനിമയിലും അഭിനയിച്ചിട്ടില്ല. ഇനി ഈ പ്രായത്തിലും എല്ലാം പുതുതായി പഠിക്കാനും എന്നെ അപ്‌ഡേറ്റ് ചെയ്യാനും എനിക്ക് ആഗ്രഹമുണ്ട്.
എന്നാല്‍ ചെറുപ്രായത്തില്‍ പഠിക്കുന്നത് പോലെ പ്രായമായിക്കഴിഞ്ഞ പഠിക്കാന്‍ എളുപ്പമല്ലെന്നറിയാം. എങ്കിലും മനസില്‍ ആഗ്രഹവും താത്പര്യവും ഉണ്ടെങ്കില്‍ വേഗം പഠിക്കാനാകും, എത്ര കഷ്ടപ്പെട്ടായാലും പഠിച്ചെടുക്കും. ഒന്നും പഠിച്ചില്ലെങ്കില്‍ എന്തുകൊണ്ട് പഠിച്ചില്ലെന്ന് ആരും ചോദിക്കില്ല. എന്നാല്‍ വയസ്സായ കാലത്താണോ ഈ ആഗ്രഹമൊക്കെ എന്ന് ചോദിക്കാനാളുണ്ടാകും
എല്ലാവരോടൊത്ത് സൗഹൃദത്തോടെ ഇരിക്കാന്‍ ഒരുപാട് ആഗ്രഹമുണ്ട്. നിങ്ങളുടെ കൂടെ കൊഞ്ചി കളിക്കുന്ന, ഉപദേശിക്കുന്ന ഒരു സുഹൃത്തായി ഇരിക്കാന്‍ എനിക്ക് സന്തോഷമേ ഉള്ളൂ. എന്റെ ചെയ്തികളെ വിമര്‍ശിക്കാനും മടി വേണ്ട. നിങ്ങളുടെ വിമര്‍ശനങ്ങളെ ഒരു പ്രചോദനമായി എടുത്തു വീണ്ടും മെച്ചപ്പെടുത്താനാണ് എന്റെ ശ്രമം. ഏല്‍പ്പിക്കുന്ന ജോലി ഭംഗിയായി മനോഹരമായി ചെയ്യണം എന്നാണല്ലോ നമ്മള്‍ ഓരോരുത്തരുടെയും ആഗ്രഹം.. കനക വീഡിയോയില്‍ പറയുന്നു.

Next Story